Dili (timorpost.com)—Xefe Seksaun Komunikasaun Autoridade Protesaun Sivíl (APC, sigla Portugés), João Filipe da Costa relata hahú husi loron 11 to’o 18 Setembru 2023 APC rejistu uma kain-67 afetadu dezastre natural.
“Dezastre Natural ne’ebé akontese durante semana ida ho tipu rua hanesan, ahi han uma, anin sobu uma, husi tipu tolu ne’e rejistu uma Kain xefe família hamutuk 67, afeta”, nia haktuir asuntu ne’e ba jornalista sira iha edifísiu APC, Kaikoli Segunda (18/09).
Iha Munisípiu Aileu, postu Aileu Vila Suku Seloi kraik, akontese anin sobu komunidade nia uma ida. Munisípiu Ainaru, postu Ainaru akontese ahi han komunidade nia uma ida.
Munisípiu Baukau, postu Baukau, suku Samalari Aldeia Festou Ahi han komunidade nia uma tolu. Iha postu Quelikai Suku Lakuliu Aldeia Lakulada iha anin boot estraga komunidade nia uma lima. Iha postu Vemasi aldeia Betulale akontese ahi han komunidade nia uma neen. Iha postu Laga suku Teknomata aldeia Caicasalari anin boot estraga komunidade nia uma neen.
Iha munisipiu Dili Postu Nain Feto Suku Bemori aldeia Has Laran, anin boot rezulta hali- hun boot monu estraga komunidade nia uma rua ho karreta at.
Iha Munisípiu Ermera akontese anin sobu komunidade nia uma sanulu. Postu Hatulia A Suku Asulau, aldia Raimate anin sobu komunidade nia uma tolu. Iha Postu Hatulia B suku Urahu aldeia Manuhatu akontese anin sobu komunidade nia uma tolu.
Munisípiu Viqueque, Postu Viqueque suku Bahalarawain aldeia Aidak akontese anin Boot estraga uma ida.
Iha Munisípiu Bobonaru postu Maliana Suku Holsa Aldeia Hoplegu, akontese anin boot estraga uma sanulu resin ida.
Iha Munisípiu Likisa Postu Bazartete uku Ulmera aldeia Ermeta, akontese anin boot estraga uma tolu. Iha postu Liquiça Villa Suku Hatuquesi aldeia Kaikehoho iha Loron 11/09/2023,akontese anin boot estraga uma ida. Iha Postu Maubara Suku Maubara Lisa Aldeia Lisalara akontese anin boot uma haat.
Iha Munisípiu Lautem Postu Lautem Suku Manha II, aldeia Codo akontese anin sobu uma ida.
Iha Munisípiu Manatutu, Postu Laclo Suku Uma kaduak aldeia Reabutikeon, iha loron 12/03/2023 akontese anin sobu uma neen.
558 total views, 54 views today
