DILI (timorpost.com)—Xefe Suku Lauhata, Postu Administrativu Bazartete, Munisípiu Likisá, Daniel dos Santos, informa, daudaun ne’e Suku Lauhata iha kandidatu nain hitu mak prontu kompete iha eleisaun suku 2023.
Xefe Suku Lauhata, Daniel dos Santos, hatete, iha Suku Lauhata iha kandidatu nain hitu mak prontu atu kompete iha eleisaun suku. Husi kandidatu nain hitu ne’e mane nain neen no feto ida.
“Ita iha kandidatu hitu, mane neen no feto ida”. Haktuir Xefe Xefe Suku Lauhata, Daniel dos Santos, ba Timor Post, Segunda (18/09/2023).
Eleisaun suku ne’e natureza asosiasaun públiku, entaun responsabilidade hosi Xefe Suku atuál ho membru konsellu suku sira.
Nia mós dehan, Suku Lauhata daudaun ne’e halo ona sosializasaun ho komunidade sira iha Aldeia sira, durante hala’o ona iha Aldeia haat.
“Iha loron 21 Setembru 2023 sei kontinua iha Aldeia Raukasa”.
Nia dehan, esperansa no enkoraja ba feto potensiál no Ema ho Defisiénsia (EhD) tenke partisipa hodi kandidatu iha eleisaun Xefe Suku, Aldeia no delegadu.
Kritériu se mak partisipa iha eleisaun Suku tenke sidadaun Timor, idade 17, geo-grafikamente eleitorál iha suku refere no tenke iha eleitór porsentu ida (1) bele kandidatu.
Daniel hatete, tuir lei nú.9/2016 katak, Atuál Xefe Suku bele re-eleitu fila fali ba eleisaun suku ba períodu 2023 to’o 2030.
Ho eleisaun ne’e, atuál Xefe Suku Lauhata, re-afirma, garantia no sei manán iha eleisaun Suku ne’ebé sei akontese iha loron 28 Fulan Outubru 2023.
Entretantu, Suku Lauhata iha Aldeia lima mak hanesan, Caimegulo, Camalehou, Pissu Karik, Pissu Lete no Raucassa.
861 total views, 30 views today
