DILI, (timorpost.com)– Ministru Transporte no Komunikasaun ( MTK), Miguel Manetelo, konsidera dirijente sira iha Diresaun Nasionál Transporte Terestre (DNTT) laiha neon tanba la promove funsionáriu sira hasa’e level, tanba ne’e defisil buka funsionáriu level 5 no 6 tanba maioria level 2 no 3 de’it.
“La iha prosesu ida ke atu ajuda malu no foti maluk husi kraik para nia mós bele sa’e netik ba level 3 ka 4, nune’e mós tama pensium mós pelu menus ho level 4 ka 5”, dehan Ministru MTK, Miguel Manetelo, ba jornalista sira hafoin partesipa iha serimónia lansamentu ba aplikasaun atendimentu online, iha Ministériu Justisa, Kolmera, Kinta, (18/01).
Nia hatutan, “Resposta iha rua, ida mak hansan ohin hatete daudauk ne’e, dalaruma lideransa balun hanesan diretór ho diretora nasionál sira dezde ita hahú ita-nia Estadu nee, sira mak tuir hela de’it formsaun, funsionáriu ki’ik sira ne’e la tuir formasaun, atu sa’e level avaliasaun presiza sertifikadu, ema balun sa’e laiha sertifikadu ba teste la liu balun pensiun ho level 2 de’it, ida-ne’e sira laiha neon duni”.
Ministru ne’e hatete, Parte ida mós iha DNTT, funsionáriu sira mak lakohi duni, “sira dalaruma hirus ha’u, tanba ha’u hatete liafuan broker ba sira”.
Tanba ne’e Ministru ne’e sei buka hatene tanba saida mak funsionariu sira iha DNTT level la sa’e, karik la tuir formasaun ka oinsa? Tanba ne’e sei buka hatene kona-ba ida-ne’e.(*)
966 total views, 3 views today
Bele hare Video Seluk :