Dili (timorpost.com) – Autoridade Protesaun Sivil (APC, sigla portuges) rejista entre loron 9 to loron 15 fulan ne’e uma 432 mak afeta ba desastre natural.
Diretor Gabinete Relasaun Externa no komunikasaun APC nian, Cesário da Silva Marques, hatete númeru desastre rejistadu ho tipu rua mak hanesan anin sobu no insendiu k ahi han uma.
“Dezastre natural ne’ebe akontese iha semana ida nia laran estraga uma hamutuk 432”, dehan responsável ne’e ba jornalista sira, segunda-feira (15/01), iha edifisiu APC, iha Kaikoli.
Nia konta latal uma 432 ne’ebé afeta ba dezastre natural mai husi Munispiu Sanulu resin ida ho dadus hanesan Ainaro uma sanulu, Atauro ida, Bobonaro hitu, Covalima uma lima, Dili 387, Ermera Haat , Liquiça 21, Manatutu ida, Manufahi ida, RAEOA ida no Viqueque Lima.
Informa katak APC Munisipiu Ho instituisaun relevante fornese ona apoiu emerjensia ba familia afetadu sira mak hanesan ahi han no anin sobu hodi hein prosesu ba apoiu material konstrusaun nian.
“Ekipa ‘s nafatin halo operasaun iha munisipiu sra hodi kontinua halo levantamentu dadus detallu kona ba sasan ne’ebe mak estragus no lakon”, konklui.
903 total views, 3 views today
Bele hare Video Seluk :