DILI (timorpost.com)—Hospital Nasional Guido Valadares (HNGV) la halo prosesu autópsia ba matebian Rozita do Santos, tanba la iha indísiu forte relasiona ho nia mate iha tasi ibun Bidau Santana.
Tuir família matebian, Rogério da Costa hateten, parte HNGV la konsege halo autópsia ba matebian Rozita do Santos, tanba la iha evidénsia forte relasiona ho nia mate.
“Horisehik (Red Tersa), Ospitál Nasional Guido Valadares la konsege halo autópsia, tanba depois parte Forensik foti dadus iha matebian nia isin, la deteta kona sinál no fitar ka kanek ida iha matebian nian isin lolon, tanba ne’e horisehik iha loron (05/12) iha oras tuku 11:00 entrega fali matebian isin mate ba ami família hodi halo funebre tuir kultura lisan nian,” dehan Família matebian Rogério da Costa ba Timor Post, Kuarta (06/12).
Reprezentante Família matebian ne’e haktuir, parte família simu saida de’it mak husi autoridade seguransa no parte HNGV, tanba ida ne’e kompeténsia no servisu sira atu foti desizaun ba matebian nia mate ne’e.
“Ami família sira simu desizaun saida de’it mak parte Ospitál ho Forensik foti ba ami nia alin nia mate iha tasi ne’e, tanba parte rua ne’e esplika ba ami katak sira Ospitál la bele halo prosesu autópsia, tanba la iha fitar no la iha violénsia doméstika ruma no la iha evidénsia ruma forti para atu halo prosesu autópsia,” nia esplika.
Família matebian ne’e konta, depois parte HNGV ho parte seguransa Forensik entrega mate isin ba família no família konsege lori mate isin ba vizita nia rezidénsia iha suku Vila Verde, Aldeia Mate moris, Postu administrativu Vera Crus, Munisípiu Dili, hafoin ida nee kontinua lori mate isin ba nia rai orijen Munisípiu Aileu, Postu administrativu Remexiu hodi halo funebre.
723 total views, 3 views today
Bele hare Video Seluk :
Subscribe to Timorpost
