DILI (Timorpost.com)—Peskizador husi sentru Estudu da Paz iha Universidade Nasionál Timor Loro Sa’e (UNTL), hamutuk ho parseiru International Organization for Migration (IOM) no United Nations Children’s Fund (UNICEF), hala’o workshop hodi avalia vulnerabilidade no Rezilênsia iha komunidade sira iha fronteira terestre Timor-Leste.
Enkuantu iha fronteira terestre Timor-Leste nian iha munisípiu tolu, kompostu husi fronteira Bobonaru, Covalima, no mós fronteira Oe-kuse. Husi Munisípiu tolu ne’e iha suku 24, populasaun hamutuk 71,058- 6%, nune’e Feto 35,360 no Mane 36,698.
“Ohin aprezenta rezultadu save ne’ebé mai husi peskiza ne’e, iha areas lubuk ida iha seguransa da edukasaun, area de Saúde, area ahi Han, seguransa ambiente, Seguransa polítika no Jéneru”. Dehan Reitór UNTL, João Soares Martins, ba jornalista sira iha Yayasan Hak, Faról Dili, Kuarta (06/12).
Reitór UNTL ne’e haktuir, iha peskiza ne’e foka mós ba problema situasaun no inundasaun ne’ebé komunidade tolu enfrenta situasaun ho ida ne’e seguransa no maneira saida mak komunidade sira bele responde ba situasaun sira ne’e.
“Husi rezultadu peskiza sei entrega ba parte Governu inklui parseiru dezenvolvimentu sira sosiedade sivíl no mós komunidade akadémika Sira atu bele Hatene kle’an liu tan fatores Sira ne’ebé mak sai abut ba inseguransa sira”.
“Ba oin sei presiza halo tan peskiza, tantu husi rezultadu Preliminary ne’e, hatudu kestaun importante lubuk ida, mak sai hanesan komponente hotu atu bele tau atensaun no importánsia atu nune’e bele mellora atendimentu ou protesaun de servisu no mós partisipasaun komunidade iha areas fronteira nia ba dezenvolvimentu Jerál iha futuru”.
Tuir Rezidente Coordinator UN iha Timor-Leste, Roy Trivedy, hatete peskiza ne’e importante hodi tulun komunidade sira iha area fronteira hodi hatene kona ba situasaun no difikuldade ne’ebe sira enfrenta.
“Iha suku 24 ne’ebé iha fronteira, nune’e mós ema pasajen tama sai husi fronteira ne’e, ita haree barak liu mak liuhusi Terestre (Darat) ne’e kuaze 70% ital,” Roy dehan.
Nia hatete, tanba ida ne’e mak servisu hamutuk ONU nian ho Governu oinsá mak atu bele proteje no ajuda sira ne’ebé vulnerabilidade fronteira nian.
Ho nune’e objetivu (Kick off) ne’e liu-liu ho mapeamentu avaliasaun atu hetan Lacunas ou evidénsia ne’ebé bele fornese nu’udar baze ida ba Governu no mós ONU, parseiru dezenvolvimentu sira atu bele fó apoiu oinsá bele liberta povu sira iha fronteira ne’ebé moris iha vulnerabilidade nia laran.
“Nune’e ho mapeamentu ida ne’e atu hetan evidénsia ruma ne’ebé, nu’udar evidénsia ida ne’ebé util, válidu ho ninia kualidade atu ajuda Governu, halo polítika ida ne’ebé di’ak liu atu bele hadi’ak liu situasaun sira ne’ebé ita-nia maluk sira hasoru iha fronteira,” nia dehan.
1,905 total views, 3 views today
Bele hare Video Seluk :
Subscribe to Timorpost
