DILI (timorpost.com)—Sesta lejizlatura Parlamentu Nasionál (PN) rekomenda Nuno-Governu Konstitusionál presiza regulariza baliza entre munisípiu ho munisípiu, to’o aldeia sira, nune’e bele halo prevensaun ba konfrontasaun iha territóriu tomak.
Tu’ir deputadu Antonio Clau hatete, autoridade liuliu Ministériu Administrasaun Estatál (MAE), tenke haree, oinsá regulariza ita nia baliza sira iha munisípiu ho munisípiu, ba to’o postu, suku no aldeia sira atu nune’e labele kria konfrontasaun iha baze.
“Ita haree, konfrontasaun sira dala-ruma mosu, tanba hadau malu ho rai, hanesan iha munisípiu Ainaru ho munisípiu Same, iha aldeia ida mak tama mai iha suku ida no problema too agora seidauk rezolve.” Deputadu bankada Fretilin, Antonio Clau ba Jornalista sira iha PN, Tersa-feira (10/10/2023).
Deputadu Clau dehan, iha informasaun rona katak, sei mosu trafo ida mai iha ne’e, husi rezolusaun ida atu retira tiha Kablaki, hasai tiha husi munisípiu Same ba fali munisípiu Ainaru, entaun parte relevante atu haree oinsá bele fó solusaun.
Entretantu Visi-Ministru Asuntu Parlamentár, Adérito Hugo hatete, kona-ba foho Kablaki laiha rezolusaun ida ka dekretu governu nian ida ne’ebé uluk hatete katak, Kablaki ne’e parte ona ba Ainaru ne’e laiha.
“Maibé iha rezolusaun Governu 2015 kuandu, transforma parte ida iha Kablaki sorin ne’ebé besik ba suku Leolima iha Hatudu ninia, iha 2015 transforma ida ne’e ba parke Kay Rala Xanana Gusmão, tanba iha abrigu ida iha ne’ebá, transforma ba parke Nasionál Kay Rala Xanana Gusmão iha 2015 sétimu Governu konstitusionál ne’ebé lidera husi Rui Maria de Araújo.” Vise-Ministru Asuntu Parlamentár Adérito hateten.
798 total views, 3 views today
Bele hare Video Seluk :