Dili (timorpost.com)—Ministériu Saúde (MS) realiza workshop kona ba oinsá atu halo prevensaun ba moras moras HIV-SIDA no mós oinsá atu hamenus diskriminasaun ba maluk sira ne’ebé mak deteta ona virus HIV-SIDA.
Diretór ezekutivu Asaun Komunidade Progresu, Brigal Ferreira, hatete importánsia husi Workshop ne’e oinsá parte pesoál saúde bele kria envariamentu ida ne’ebé mak seguru no amigavel ba maluk sira ne’ebé mak deteta hanesan pasiente ba HIV-SIDA.
“Ohin loron mosu diskriminasaun barak ba maluk sira ne’ebé mak hetan moras HIV-SIDA, diskriminasaun ne’e sira hetan hahú kedas husi uma, husi sosiedade to’o fali fatin atendementu públiku tanba ne’e presiza fatin eskluzivu ida hodi halo atendimentu ba sira”. Nia hato’o asuntu ne’e ba jornalista sira iha edifísiu asosiasaun HAK, Kinta (27/07).
Objetivu prinsipál ida seluk mak oinsá mak ema hirak ne’e la husik iha kotuk, maibé ema hotu ne’e bele tarata hanesan la hare ba sira nia cores ka rasa, maibé oinsá sira bele hetan tratamentu hanesan.
Solusaun mak ne’e, ema nia vida importante liu. Tanba ne’e atu prevene HIV no mós relasaun seksuál sira hotu presiza uza condom, tanba kondon mak alternativu ida ikus liu, pois atu prevene.
“Ita hatene uitoan katak HIV hanesan virus ida ne’ebé bele fó infesaun ba ema nia isin no mós bele hada’et fali ba ema seluk liu-husi halo relasaun seksuál ho ema ne’ebá hetan ona virus ne’e no la uza meius preventive sira, liu-husi ran no husi inan ba oan (momentu isin rua, tuur ahi no momentu fó susu ba bebé, maibé atu hamenus tranzmisaun virus HIV husi Inan ba Oan agora daudaun Governu Timor-Leste estabelese ona programa PMTCT (Prevention Mother to Children Transmition) iha territorial Timor-Leste”. Nia haktuir.
Nia hatete, iha dalan ida de’it ne’ebé ema hotu bele uza atu prevene moras HIV-SIDA mak uza kondom bainhira atu halo relasaun seksuál.
Klaru katak iha dalan seluk, maibé tenke foka liu ba maneira prinsipál atu tranzmite moras HIV-SIDA iha TL ne’e liu husi relasaun sexual.
Nia hatete, agora daudauk UNFPA mós servisu ho Organizasaun non Governamentál (ONG) iha TL hodi bele hapara ou redús estigma ba ema ne’ebé moras ho HIV-SIDA.
Tanba ida ne’e mak UNFPA hamutuk ho MS no mós Organizasaun Non Governamentál (ONG) sira TL iha papél hodi halo servisu hamutuk atu garante katak ema hotu bele hetan informasaun ne’ebé di’ak no loos kona ba HIV-SIDA.
Hodi nune’e ema hotu bele asesu ba teste ne’ebé gratuita iha TL, se karik pozitivu HIV bele ba halo tratamentu hodi bele moris di’ak hanesan ema seluk.
Atividade ne’e Ministériu Saúde hetan suporta liu husi fundu global, UNFPA ho montante rihun dollar amerikanu rihun 5.
Workshop realiza ona iha munisípiu sira hanesan Covalima, Baukau ,Bobonaru, RAEOA inklui Dili.
2,274 total views, 3 views today
Bele hare Video Seluk :
Subscribe to Timorpost
