Dili (timorpost.com)—Ministériu Administrasaun Estatál (MAE) fasilita ona karreta hodi tula eleitores munisípiu Ainaru hodi ba tuir eleisaun parlamentár iha loron (aban) 21 fulan Maiu tinan ne’e.
“Ami hosi munisípiu Ainaru ne’e governu fó sai ona katak, horisehik loron 19 ami hein karreta to’o loraik tuku 5:00 no ohin hein iha tuku 7:00 to’o tuku 12:00, ami bele arranka ona ba munisípiu, tanba governu nia mai hamutuk ona ho ami iha ne’e”, dehan Eleitores Simão Lopes, ba Timor Post iha BOP, Kaikoli, Sábadu (20/05/2023).
Nia dehan, governu nia ekipa ba hamutuk ona ho eleitores sira iha BOP Kaikoli atu prepara arranka ba munisípiu Ainaru.
“Ami agora daudauk iha ne’e kuaze ruanulu, ami hein tan ema balu mai tan, karik ema la mai ona mak ami sira iha ne’e arranka ona, tanba karreta preparadu ona”, nia tenik.
Tuir Observasaun Timor Post nian iha terreinu nota katak, eleitores feto no mane, munisípiu Ainaru konsentra hamutuk iha BOP Kaikoli nian Ai matan nia okos.
951 total views, 3 views today
Bele hare Video Seluk :
Subscribe to Timorpost
