Timorpost.com I DILI-Komísiu Eleitorál Partidu Kmanek Haburas Nasional Timor Oan ( KHUNTO) halo iha kapital Dili, ha Loron Sesta (12/05), maibe militante sira viola regra kodigu estrada mak Polisia Nasional Timor-Leste prende motorizada hamutuk 192, karreta ida no dokumentu haat.
Tuir Komadante PNTL Munisípiu Dili, Superentidente xefe Polisia Natérsia Eufrásia Soares Martins, hatete partidu politiku husi KHUNTO halo atividade kampaña ikus iha Munisípiu Dili, maibe Militante, Apoiantes no simpatizantes sira barak Viola lei kodigu estrada, tanba ne’e PNTL konsege prende evidensia lubuk ida.
“Horikala, ita kompara ho esprensia ba iha kotuk ne’e, horikalan ita konsege prende motorizada barak liu, Ita prende motorizada hamutuk 192, karreta ida ho dokumen haat, tanba Militante, Apoiantes no simpatizantes sira viola kodigu estrada,” dehan Natérsia Eufrásia Soares Martins ba jornalista sira iha Kuartel Jerál PNTL, Kaikoli, Sabado (13/05).
Superentidente xefe Polisia ne’e hatete militante apoiantes no simpatizantes sira ba partesipa kampania husi partidu KHUNTO, maibe sira ba mak viola ka la uza asesore transporte nian.
“Motorizada 192, neebe mak ita prende nee, banhira sira ba tuir kampanha, maibe la utiliza asesore, hanesan kapasete, Xapa matrikula no espellu, ida nee mak ita halo apresiasaun, horikala ita la halo check poin ba iha sira nia dokumentu, maibe hare ba iha asesores sira neebe mak sira utiliza ho kanu resin,” Komadante Natersia explika.
Nia dehan, evidensia hanesan motorizada no karreta sira nee, kanu resin ladun barak, maibe maioria mak la uza asesore sira hanesan espellu, kapasete no mos la iha plat.
“Evidensia neebe mak ita prende nee, la iha difirensia, maibe hotu-hotu sei regula tuir lei tranzitu nian, hafoin sira bele foti fali sira nia evidensia sira nee, evidensia neebe mak ita prende daudaun nee rai hela iha Komandu PNTL Munisipiu Dili” dehan Komadante PNTL Munisipiu Dili.
Nia dehan, atividade sira hanesan prende evidensia sira nee, laos foin mak halo, maibe antes ne’e komandu PNTL Munisipiu Dili aviza liuhusi media no liuliu enkotu hamutuk ho lider partidu politiku, hamutuk CNE no mos hamutuk ho Komandante Munisípiu sira, nunnee mos Komandante operasaun mos husu ba iha lider sira hotu para atu informasaun ba iha sira nian militante simpatizantes ho apoiantes sira atu kumpri regras.
“Iha altura neeba hau rasik hatete katak Polisia impoin regras ho rigorozu, hanesan kontra tenke prosesu tuir lei neebe mak iha,” dehan nian.
Aleinde Komandante PNTL Munisipiu Dili, hatete daudaun nee mos sira iha planu prepara ona planu bazeia ba orden husi komandu jeral, prepara hotu ona no sei garante seguransa nee ba iha partidu hotu hanesan.
Antes, partidu politiku husi PUDD halo kampanha iha kapital iha area Tasitolu nian mos konsege halo apreensaun ba iha motorizada 60 ital, motorizada sira ne’ebe mak kontra regras tránzitu nian, kódigu estrada.
Alende ne’e mós Komandante PNTL Komandu Munisípiu Dili relata katak, objetu sira ne’ebé polisiá prende liu husi via operasaun pasa revista mak hanesan Motorizada balun husi, militante PUDD sira balun ba selu ona sira devér no balun seidauk, evidénsia hanesan motorizada kontinua para hela iha tránzitu komandu PNTL Munisípiu Dili
“Nune’e ita prende motorizada sira balun husi partidu konkorenti os verdes nian, tanba ne’e ita sei halo ida ne’e kontinua, tanba regras ne’e lei iha regras ita aplika ba ema hotu-hotu,” dehan nia.
1,263 total views, 3 views today
Bele hare Video Seluk :
Subscribe to Timorpost
