DIlI-Konsellu Imprensa Timor-Leste servisu hamutuk ho ABC International Development kapasita Jornalista no media iha Timor-Leste hodi halo kobertura iha Festa Demokrasia Eleisaun Parlamentar ne’ebe Besik daudauk.
Iha diskursu abertura hosi Diretor Ezekutivu KI, Rigoberto Monteiro hateten, formasaun ba jornalista no media sai preokupasaun importante KI nian.
“Ohin Ita aprende oituan ho ABC, Sira ninia prezensa importante hanesan orgaun boot. Em termu kualidade avansadu Ita presiza servisu hamutuk ”, afirma Diretor Ezekutivu KI ne’e iha salaun City 8 Manleuana Kuarta 13/04/2023.
ABC hanesan orgaun Komunikasaun boot hosi Australia, iha pasadu kontribui MOS ba Timor-Leste ninia luta iha pasadu.
Liafuan makloke ba formasaun hosi Aaron Kearney, Diretor Engagement and programs ABC international Development Strategy hateten orgullu parseria ho Konsellu Imprensa oinsa hamosu oprtunidade barak ba Jornalista no media iha Timor-Leste.
“Hau hakarak imi aprende barak” enkoraja Aaron ba partisipante Sira hodi husu Jornalista no media iha Timor-Leste presiza hamosu produtu hodi kontribui ba futuru nasaun nian.
2,502 total views, 12 views today
Bele hare Video Seluk :