DILI (Timor Post) – Parlamentu Nasionál (PN), Kuarta (31/08), aprova projetu rezolusaun n° 101/V/IV/2022 no 102/V/IV/2022 ho unanimidade ba vizita Prezidente Repúblika (PR), José Manuel Ramos Horta, ba nasaun Australia no Amérika.
“Ita-nia Prezidente Repúblika, ba vizita nasaun Australia ho Amérika-New York, projetu rezolusaun n° 101/V/IV/2022 no 102/V/IV/2022 aprovadu afavor sein kontra”, Deklara Prezidente Parlamentu Nasionál, Aniceto Guterres, hafoin votasaun iha Plenária Komisaun permanente iha PN.
Prezidente Repúblika nia viajen aprovadu, ho vota afavor 26, abstensaun zero (0), kontra Zero (0).
Nia dehan, Prezidente Repúblika, sei dezloka ba Australia no Amérika-New York, iha tempu badak.
Tuir Prezidente Parlamentu, Xefe Estadu dezloka ba Australia, iha loron 3 no fila iha loron 11 fulan Setembru 2022. Vizita ba Australia ne’e konvida hosi Governador Jerál Australia, David Hurley.
Nia hatutan, kontinua viajen ba Amérika-New York, iha loron 21, sei fila iha loron 30 Fulan Setembru 2022, konvida hosi Xefe Estadu Organizasaun G7+, sei halo Reuniaun kona-ba “Peace building”.
Portantu, Karta ne’ebé Parlamentu Nasionál Aprova mai hosi Prezidente Repúblika rasik, atu halo viajen ba Australia ho Amérika-New York.
1,988 total views, 9 views today
Bele hare Video Seluk :
Subscribe to Timorpost
