Jenerál Lere: Agora Ita Labele Halimar, Krize Entre Moris no Mate

DILI—Xefe Estadu Maior Jenerál FALINTIL-Forsa Defeza Timor Leste (F-FDTL), Maijor Jenerál Lere Anan Timur afirma, moras da’et corona (COVID-19) la’ós krize militár no polítika maibé entre moris no mate. Tanba ne’e líder máximu forsa armada ne’e husu atu timoroan tomak tenke kuidadu.

“Agora ita labele halimar ho situasaun ida ne’e purke dala ruma ita tauk direitu umanu, kazu ida agora ne’e la’ós krize militar ka krize politika maibé krize entre vida ho mate, tanba ne’e ha’u husu ba komunidade atu kompriende situasaun,” Lere subliña ba jornalista sira hafoin iha loron Sexta (10/04/2020), Timor Leste deklara rejista pasiente virus corona sa’e ba ema na’in rua inklui timoroan na’in-ida no seluk sidadaun estranjeiru ne’ebé alta ona iha loron hanesan hafoin tama iha sala izolamentu no rejista dahuluk kazu pozetivu iha loron 21 Marsu 2020.

SCROLL FILA BA NOTISIA

Lee Mós :

Administrador de Covalima pede a população que cumpra regras de EE

Iha Sentru Konvensaun Dili (CCD sigla Portugués) Lere mós partisipa iha reuniaun kona-ba implementasaun regra estadu emerjénsia.

“Ohin ami briefing hamutuk ho Ministériu Saúde liuhusi Dotór Rui hatete ona katak mais uma kazu. Kerdizer kazu foun ida tan, mas ita kazu aumenta tan mak husi ida (bele) ba sanulu,” Lere hatete.

Lee Mós :

Centro Integrado de Gestão da Crise aprofunda conhecimentos dos jornalistas sobre Covid-19

Rejultadu teste ba timoroan ida nu’udar estudante ne’ebé foin fila husi Indonézia liuhusi fronteira rai iha loron 1/04/2020 hetan estatutu pozetivu ba virus perigozu ne’e.

Porta-vóz Ekipa Inforasaun Jestaun Krize, Sérgio Lobo informa ba Jornalista sira, Sexta (10/04/2020) katak, pasiente pozetivu timoroan ne’e evakua ona ba sala izolamentu iha Sentru Saúde Vera Kruz, Dili.

Tuir informasaun pasiente pozetivu timoroan ho identidade feto ida ne’e tama iha karantina Hotel Katuas. Durante tama husi fronteira Mota-Ain ekipa sir aba tula hodi tama ba kuarentena nia halo kontaktu ho ema barak iha kuarentena laran no simotoan seluk ne’ebé sira halo viajen hamutuk husi Indonézia mai Timor Leste.

Lee Mós :

Membru PNTL Na'in 158 Ativu Fali, Lei Ne'ebe Mak Los ba Idade Reforma

Maske nune’e, Doutór Sérgio Lobo klarifika, nia parte halo ona identifikasaun ba ema hotu ne’ebé durante ne’e halo kontaktu ho pasiente ne’e no sei halo teste ba sira.

“Maibé durante iha karantina nia hela mesak iha kuartu ida,” Doutór Sérgio subliña. (res/cao)

665 total views, 3 views today

Oinsa Ita nia Reaksaun iha Notisia Nee?