ADVERTISEMENT

Somotxo Apoiu SNI Investiga Osan 130.000 USD Prende Iha Aeroportu

Mario da Costa - Jeral
Jornalista : Jaime Pires
Editor : Asisten Hermenegildo da Costa Tilman
  • Share
Prezidente Komisaun B, trata asuntu seguransa, defeza no negósiu estranjeiru iha Parlamentu Nasionál, José Agustinho Siqueira Somotxo, Imajen Esp.

DILI (timorpost.com) – Prezidente Komisaun B, trata asuntu seguransa, defeza no negósiu estranjeiru iha Parlamentu Nasionál, José Agustinho Siqueira Somotxo, deklara nia parte apoiu nafatin Servisu Nasionál Intelijénsia (SNI), hodi kontinua investiga kazu osan 130.000 USD, ne’ebé prende iha Aeroportu Internasionál Nicolau Lobato Komoro.

“Akontese iha Aeroportu ne’e ita bolu krime Brankamentu Kapitais, Fraude Fiskál, no Flagrante de lito, no ida ne’e ha’u konsidera krime organizadu,” hateten Somotxo, iha Parlamentu Nasionál, Segunda (10/10).

ADVERTISEMENT
SCROLL FILA BA NOTISIA


Lee Mós :
AAC-TL Prende Osan Hosi Partidu Khunto Iha Aeroportu

Tanba ne’e nia husu Servisu Informasaun no Investigasaun Kriminál sira kontinua dezmantela kriminozu sira ne’e, atu labele mosu tan iha rai ida ne’e, no labele lori osan barak sai husi rai laran, kuandu la tuir prosesu normál.

“Ema sira ne’ebé envolve ne’e tuir loloos kriminaliza hotu sira, tanba ida ne’e ita bolu dehan rede no krime organizadu, ha’u pesoalmente kontra no ha’u lakohi krime sira ne’e buras iha ita-nia rai,” deklara nia.

Lee Mós :
Hadi’a Servisu Intelijénsia

Entaun tenke dezmantela rede sira ne’e, labele fihir nia Ministru ka nia se, kuandu envolvimentu iha krime organizadu ne’e krime tenke investigasaun sira hotu.

“Agora estrañu mak ema na’in-tolu ne’ebé sai autór lori osan ne’e, PSIC husik liu tiha kontinua ba Bali-Indonézia, no lori nafatin osan kontra lei ne’ebé iha, tanba sira lori osan liu nafatin millaun 10 USD, ho ida ne’e ekipa servisu investigasaun kriminál no informasaun sira tenke investiga nafatin rede sira ne’e, tanba sira mak kontinua liu, entaun tenke bolu sira mai hatán hotu,” hateten nia.

Lee Mós :
RENETIL Apoiu SNI-PSIK Prosesu Kazu Prende Osan Iha Aeroportu

Tanba ne’e nia husu ba SNI, kontinua investiga kazu ne’e, no labele haree ba se de’it mak envolve kazu ida no tenta atu halo impedimentu ba prosesu ne’e.

 3,071 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Somotxo Apoiu SNI Investiga Osan 130.000 USD Pr…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No