ADVERTISEMENT

Estudu iha Portugál, Bolseiru IOB 46 Hasoru PR Horta

Mario da Costa - Edukasaun · Internasional
Jornalista : Mariano Abi
Editor : Mario da Costa
  • Share
Estudante sira hosi IOB hasoru malu ho Prezidente Republika, Jose Ramos Horta, antes arranka ba Portugal, Segunda (10/10), Imajen TP/Mariano Abi

DILI (timorpost.com) — Atu ba hala’o estudu iha Portugál, Bolseiru husi Universidade Institute of Business (IOB) na’in-46 hasoru Prezidente Repúblika (PR), José Ramos Horta.

Reitór IOB, Pedro Ximenes, hatete sira ne’ebé atu ba ne’e iha Nivel Ensinu Sekundáriu Tékniku Vokasionál Profisionál sira hanesan, EPAS, EPU no mós Mirandela mak hamutuk 26, signifika katak, sira akaba husi Ensinu Báziku 9° Ano, ne’ebé sira ba hodi konklui sira-nia Ensinu Sekundáriu to’o 12° Ano. Iha tan grupu ida ne’ebé sei ba iha Ensinu Superior, ne’e na’in-20.

ADVERTISEMENT
SCROLL FILA BA NOTISIA


“Ami mai aprezenta ba Prezidente Repúblika, kona-ba estudante na’in-46 sei arranka ba Portugál hodi kontinua estudu iha nivel rua, nune’e na’in-26 mak iha nivel Ensinu Sekundáriu Tékniku Vokasionál no na’in-20 iha Ensinu Superior iha Institutu Politéknika Bragansa,” nia hateten hafoin enkontru iha Palásiu Prezidensiál Bairru-Pité, Segunda (10/10).

Nia dehan, estudante sira ne’e sei arranka iha loron 16 fulan Outubru 2022, nune’e sira ne’ebé ba ne’e matrikuladu iha eskola sira iha Portugál. Ida ne’e la’ós primeira-vés mak IOB halo esforsu ida ne’e, maibé IOB halo esforsu dezde kedas tinan 2017.

Lee Mós :
Imajen DRC Refleta diferensa Realidade Pasadu No Prezente Sidade Beijing

Nia informa, sira haruka ona estudante hamutuk 91, mak ba iha Portugál, haruka iha tinan 2017 nian mak na’in-24, husi sira ne’e agora to’o tiha ona Ensinu Superior no lakleur tan sira akaba no sira sei fila mai Timor.

Ne’e duni ho tan grupu ida ne’ebá iha estudante na’in-150, ne’ebé iha Portugál hodi kontinua sira-nia estudu ba oin.

“Ami lori mai no aprezenta ba Prezidente Repúblika, hato’o boa sorte. Entaun husi ami-nia aprezenta ne’e mós Prezidente Repúblika hato’o netik ideas ruma para nune’e ami bele esplora liután, atu nune’e halo nusa ami bele akomoda liután estudante sira seluk, hodi hetan edukasaun hanesan sira ne’ebé atu ba Portugál ne’e,” nia hateten.

Husi ne’e, Prezidente Repúblika fó idea konkretu ligasaun ba iha Instituisaun balu iha Portugál ne’ebé IOB bele kontaktu, hodi nune’e buka maneira oinsá atu bele alarga tan kooperasaun ne’ebé Timor-Leste iha ona ho Instituisaun balu iha Portugál.

Enkuantu antes Bolseiru sira ba, husi IOB fó uluk formasaun iha aspetu oi-oin hanesan, Língua Portugés durante fulan neen (6), Literasia, Numerasaun, no mós kona-ba aspetu sosiál, kultura ne’ebé sira sei enfrenta iha Portugál. Husi formasaun ne’e atu asegura sira hodi ba ne’ebá ne’e bele hetan susesu di’ak, preparadu liubá ambiente nian.

Lee Mós :
PR Horta Viajen Hosi Timor-Leste ba Portugal 

“Bolsa estudu ne’e tanba ita iha kooperasaun husi IOB ho instituisaun sira iha Portugál liuhusi Governu nia fasilitasaun, ne’ebé Governu la kontribui osan, em-termus finasiamentu, maibé Instituisaun sira iha Portugál ne’e fó Bolsa Estudu parseal, signifika sira kobre kustu eskola propinas nian,” Reitór IOB, Pedro relata.

Nia hatutan, ba inan-aman sira mak sei suporta nafatin kustu moris loron-loron nian. Ne’ebé tuir ami-nia estimativa ou IOB nia kálkulu ne’e dala-ruma €.250 to’o €.300 kada fulan nune’e ba inan-aman sira kontinua suporta.

IOB fasilita liuhusi formasaun ba sira no halo mós prosesu administrativu ho eskola sira iha Portugál, nune’e antes sira ba, sira ne’e hotu matríkula eskola, sira hetan ona ou rejistu ona naran iha eskola nia lista, ne’ebé sira to’o iha ne’ebá sira eskola kedas ona.

Primeiru tempu sira-nia foku ne’e sei ba aprende Língua Portugés, hodi nune’e sira bele preparasaun di’ak liután, antes tama iha aula ne’ebé loloos.

Lee Mós :
Expo CIIE, Produtu TL Tama Kompete no Simu Ho di'ak Atraves FTZ

Alende husi estudante sira ne’e signifika ohin despedida ho Xefe Estadu, tanba sira-nia Billete markadu, nune’e iha loron 16 sira sei arranka husi Aeroportu Internasionál Nicolau Lobato Komoro, ne’ebé iha loron 17 sira to’o iha ne’ebá, husi ne’e IOB iha ona ekipa iha Portugál ne’ebé sei simu sira, hodi koloka sira ba iha eskola iha Portugál.

“Ba ensinu sekundária tékniku vokasionál ne’e tinan tolu, nune’e ba iha superior mós iha tinan Tolu. Ba sira ne’ebé akaba iha ensinu Tékniku Vokasionál depois bele ba kontinua tan ba iha Ensinu Superior, ami la’ós haruka sira ba de’it iha Sekundáriu, maibé ami hanoin ona, depois kuandu sira akaba Ensinu Sekundáriu ne’e sira bele kontinua kedas ba Ensinu Superior, kona-ba eskola sira ne’e iha tiha ona kooperasaun ho ami,” nia hakotu.

 3,408 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Estudu iha Portugál, Bolseiru IOB 46 Hasoru PR …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No