DILI (timorpost.com) – Prezidente Komisaun B Parlamentu Nasionál (PN), Deputadu José Agostinho Sequeira “Somotxo”, hatete eis Ministru Interior, Longuinhos Monteiro, livre husi buska ilegál, maibé prosesu investigasaun ba rai armas ilegál iha rezidénsia kontinua la’o nafatin.
Nia hatete, entidade ida hanesan eis Ministru Interior, Longunhos Monteiro, hanesan ema ida ne’ebé konxiente, nia figura própriu ne’e fó kontribuisaun makas ba estabilidade, maibé hanesan saida mak hatudu ba públiku hotu katak, nia rai rai kilat barak, la’ós iha nia rezidénsia, maibé iha nia toos laran, nune’e nia parte husu ba Tribunal tenke hatene ida ne’e, para la bele kondena entidade sira ne’ebé investigasaun kriminál no PSIK, maibé bele kondena kuandu la tuir ida-idak ninia kompeténsia, lá tuir regra sira ne’ebé dulas sira-nia servisu loron-loron, kuandu la tuir entaun tenke kondenadu.
“Maibé, hau hatete de’it ba públiku katak, Tribunal deside tuir nia haree, la iha mandadu de buska no detensaun, maibé eis Ministru Interior, Longunhos Monteiro Livre husi hanesan ilegalidade buska ilegál, maibé prosesu Investigasaun kona-ba rai armas ilegál kontinua la’o nafatin,” dehan Somotxo hafoin enkontru ho parte PSIK-SNI iha komisaun B Parlamentu Nasionál, Sesta (20/01).
Tanba ne’e mak, nia parte fó hatene ba públika sira katak, eis Ministru Interior, livre husi entidade sira halo buska ilegál iha nia rezidénsia, maibé prosesu investigasaun kona-ba rai armas ilegál ne’e kontinua la’o nafatin, tan ne’e públiku sira tenke hatene, la bele dehan katak nia livre totál.
“Ita livre kona-ba buat ne’ebé hanesan ilegál, maibé faktu ida hanesan kilat ne’e tenke prosesa nafatin, tanba ita hotu hatene katak kilat ne’e F-FDTL ho PNTL de’it mak lori kilat no kaer kilat, maibé ita haree, ita kondena mak ida ne’e,” nia hateten.
2,164 total views, 3 views today
Bele hare Video Seluk :