ADVERTISEMENT

Jape Kong Su Hakotu Ona Peregrinasaun iha Mundu

Mario da Costa - Jeral
Reportajen : Jaime Pires
Editor : Mario da Costa
  • Share
Na'in ba Timor Plaza, Jape Kong Su, Imajen Esp.

DILI (timorpost.com) – Novidades triste hafalun Timor-Leste, tanba emprezáriu Timoroan ho naran koñesidu Avó Timor Plaza ka Avó Jape Kong Su, hakotu ona peregrinasaun iha mundu hodi fila hikas ba Aman Maromak nia kadunan santo.

Hafoin rona informasaun ida ne’e, Timor Post ba to’o kedas iha nia rezidénsia hodi haree, maibé Avó nia mate isin sei iha hela Austrália, no seidauk lori mai Timor-Leste.

ADVERTISEMENT
SCROLL FILA BA NOTISIA

“Avó Plaza mate ona iha loron Segunda (26/09), iha Austrália, maibé kona-ba atu entrevista ha’u la bele ko’alia lai buat ruma, tanba seidauk simu autorizasaun husi nia oan sira,” dehan Asisten Meneger Timor Plaza, ne’ebé lakohi fó sai-nia naran, ba Timor Post liuhusi WhatsApp, Tersa Feira (27/09).

Lee Mós:
Governante ho Emprezáriu Sira Fó Omenajen ba Saudozu Jape Kong Su

Nia aumenta, karik família sira liuliu matebian nia oan fó autorizasaun ba sira mak sira foin bele fó sai informasaun ka bele halo entrevista ho média sira.

Enkuantu Timor Post mós tenta dada lia halimar ho seguransa sivíl sira iha Timor Plaza, maibé sira dehan Avó Jape mate ona, no daudaun ne’e sei iha Austrália, karik orsida ka aban mak lori mai ka la lori mai sira-nia parte la hatene.

Lee Mós:
Bonifácio Maucoli alerta grávidas de que parto em casa não é seguro nem saudável

Nune’e mós Xefe Governu, Taur Matan Rauk, mós sente triste hafoin rona novidades ida ne’e, no hato’o sentidu kondolénsia ba família tomak.

“Novidade Triste ita lakon ona Timor-Leste nia eroi boot Avó Jape, na’in ba Timor Plaza, ne’ebé dedika kuaze nia vida restu hodi kontirbui ba prosesu Dezenvolvimentu Nasionál,” dehan Taur Matan Ruak, iha nia Pájina ofisiál Primeiru Ministru, ne’ebé Timor Post asesu, Tersa Feira (27/09).

Lee Mós:
Mate-Isin Jape Kong Su Sai Hosi Díli ba Hera

Matan Ruak dehan, Profunda sentidas kondolensias ba família Avó Jape nian, deskansa ho hamkatek iha Reinu Lalehan, Nia obra no memória sei nafatin metin iha povu Timor nia fuan, Paz a sua Alma.

 3,241 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Jape Kong Su Hakotu Ona Peregrinasaun iha Mundu” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: