DILI (Timor Post)-Relasiona ho ekipa konjunta kompostu husi Polísia Nasionál Timor-Leste (PNTL), Komisaun Anti Korrupsaun (KAK), Diresaun Nasionál Transporte Tereste (DNTT), Patrimóniu Estadu ho Funsaun Públika, halo operasaun dala rua iha Area Kapitál Dili no konsege prende Karreta Estadu 20 no mós inklui motorizada Estadu hamutuk 11 ne’e, KAK La prosesa tanba laiha indisiu krime ruma.
Tuir Diretór Jerál investigasaun Komisaun Anti Korrupssun (KAK), José de Araújo Verdial, hatete kona-ba halo operasaun ba veikulu estadu ne’e, KAK mós envolve hotu iha ekipa konjuntu ne’e hodi halo inspesaun ba veikulu Estadu sira ne’ebé utiliza ba iha fin de semana.
“Iha momentu ne’ebá ne’e los duni, durante halo operasaun dala rua ne’e, tuir relatoriu ne’ebé ha’u simu husi ha’u nia xefe unidade informasaun seguransa, ne’ebé hola parte iha ekipa konjuntu ne’e, katak, sira prende Karreta estadu hamutuk 20 no inklui mós motorizada 11, maibé la signifiaka veikulu estadu sira ne’e iha indisiu krime ruma ba iha pekulaku uzo ne’e lae, maibé maioria karreta ho motorizada ne’e foin mak fila husi Munisípiu no sira utiliza veikullu Estadu ba iha servisu nian,” dehan nian ba Media online Timor Post, Sábadu (23/07).
Nia hatutan, tanba saida sira prende ema hotu-hotu hatene ho razaun tanba maski sira halo operasaun konjunta maibé sira iha ida-idak halo nia knaar.
Tanba ne’e, hanesan Parte iha KAK nian mak, atu haree kuandu laiha autorizasaun ruma husi instituisaun ne’ebé sira servisu ba, nune’e mós uza veikulu Estadu fora husi servisu no inklui mós uza fali Karreta Estadu ba iha fin privadu, entaun ida ne’e kompetensia KAK nia atu detein ema ne’e no prende objetu sira ne’e.
“Maibé, iha loron ne’ebé ita ekipa konjunta prende karreta Estadu no motorizada Estadu ne’e, maioria sira uza ba servisu, entaun KAK la prosesa tanba sira kuaze iha dokumentu no iha autorizasaun ruma,” nia konta.
Tuir nia dehan, veikulu Estadu ne’ebé prende ne’e, maioria dokumetu karreta ho motorizada nian mak laiha, hanesan STNK laiha no dokumentu inspesaun laiha no mós seluk-seluk tan, entaun ida ne’e kompetensia Polisia Nasional Timor Leste (PNTL) nian mak atu prende.
Nunee, parte PNTL atu fó sansaun tuir lei kodigu estrada nian, sira mak hatene tanba ida ne’e kompetensia sira nian.
Nia dehan, Servisu ekipa konjunta ne’e sei kontinua nafatin, oinsá para garante Veikulu estadu ne’e, atu utiliza duni ba iha fins estadu nian la’ós atu uza fali ba iha fin privadu nian, ida ne’e mak objetivu husi ekipa konjuntu nian.
Ikus nia dehan, hanesan ema hotu hatene, KAK ne’e orgaun polisia kriminál, entaun Servisu ne’ebé halo ekipa konjunta ne’e bele mós iha inisiativa no mós planu ekipa konjunta halo operasau ne’e dirije husi patrimóniu Estadu no nune’e mak KAK mós akompanha iha ne’ebá.
Antes ne’e mós, Komadante Seksaun Polisia Tranzitu Munisipiu Dili, Inspetór Xefe Domingos Sarmento Gama, hatete iha loron Sábadu (02/07) ekipa konjunta halo operasaun ba veikulu estadu konsege detein balun.
“Oras ne’e, daudaun balun ne’ebé infransaun entrega ona ami , iha semana rua ba kontuk ne’e sira konsege funsionáriu sira mai kumpre sira-nia dever no kuaze sira mai selu multa, parte husi Tránzitu devolve ona transporte ba funsionáriu ida-idak,” dehan nian ba jornalista sira iha nia knaar fatin Kaikoli, Segunda (18/07).
Nia hatutan, iha semana kotuk iha loron Kinta-Feira (14/07) sira halo operasaun konjuntu no kongese prende tan vikullu estadu balun, oras ne’e iha hotu ona prosesu.
“Balun ne’ebé parte infrasaun no entrega mai iha parte ita-nia Tránzitu Seguransa rodaviaria, para pasa multa ne’e la’o hela daudauk, maibe sira ne’ebé komete infransaun, ” nia dehan.
Ikus nia dehan, ba sira ne’ebé komete krime ne’e sei kanaliza ba KAK no KAK mak iha kompetensia atu prosesa tuir lei no depois halo invetigasaun no kontinuasaun nia prosesu.
2,230 total views, 3 views today
Bele hare Video Seluk :
Subscribe to Timorpost
