DILI–Iha programa sobra ne’ebé espalla iha mídia sosiál katak partidu CNRT manán sei taka Artemarsiais, tanba ne’e Prezidente Partidu Kongresu Nasionál Rekonstrusaun Timor-Leste (CNRT), Kay Rala Xanana Gusmão, defende sei la taka Artemarsiais bainhira manán iha eleisaun Parlamentár tinan ne’e.
“Ema balun dehan, CNRT manán ne’e atu taka Artemarsiais, lae ita tenke promove arte sira ne’e, bele iha kompetisaun ne’e arte,” Hateten Kay Rala Xanana Gusmão, iha konsolidasaun partidu CNRT iha Salaun Multi Uzu Gmn, Domingu (16/04).
Nia hatutan, presiza promove Artemarsiais sira nune’e bele tuir kompetisaun iha rai li’ur. Hodi bele hamorin Timor nia naran.
Xanana salienta, foin daudauk mós apoiu Artemarsiais balun hodi tuir kompetisaun iha Nusa Tenggara Timur (NTT), ida ne’e mak tenke promove hodi orienta arte Marsiais tuir nia dalan.
Entretantu, iha media sosiál daudaun espella hela programa sobra hanesan tuir mai ne’e, 1. Dada Kadoras mai Rai Doben Timor-Leste, 2. Salva Konstituisaun RDTL, 3. Hatun Folin Sasan Bazika no Folin Kombustivel 4. Loke Kampu de Trabalho Ba Foin Sae Sira. 5 Promove Emprezariu Lokal tha Area Telekomunikasaun Limita Emnrozariy, Internasional. 6. Taka Organizasaun Arte Marsiais nia Existensia iha rai doben Timor-Leste, 8. Aselera Instalasaun Eletrisidade no Bee Mos iha Teritoria Nasional. 9. Dezenvolve Area Ekonomia no Justisa Social, 10. Harii Uma MDG 2000 Kada Tinan ba Teritorio Nasional, 11. Halakon Pensaun Vitalisia, 12. Dezenvolvimentu Setor Edukasaun, Seguransa, Turizmu no Saude.
14,271 total views, 6 views today
Bele hare Video Seluk :
Subscribe to Timorpost
