Kultivasaun Haree Variedade Inpari 24 Iha Suku Tekinomata Hatudu Rezultadu Di'ak

BAUKAU (Timorpost.com)—Servisu Munisipál Agrikultura Peskas Pekuaria no Floresta (SMAPPF) Munisipiu Baukau hamutuk ho parseiru dezenvolvimentu enkoraja komunidade agrikultór sira iha postu administrativu Laga atu kontinua hasa’e produsaun haree barak liu tan.

Diretór SMPPF Munisipiu Baukau Agostinho Ximenes hato’o lia hirak ne’e hafoin koilleta aktividade kultivasaun haree variedade inpari 24 ne’ebé implementa hosi Ministériu Agrikultura Peskas Pekuaria no Floresta no Parseiru TOMAK (Toos ba Moris Di’ak) iha aldeia Caicasalari Suku Tekinomata.

SCROLL FILA BA NOTISIA

“Kultivasaun haree variedade inpari 24 foin dahuluk implementa iha Suku Tekinomata maibé hatudu rezultadu di’ak tanba ne’e agrikultór sira presiza implementa nafatin hodi hasa’e produsaun alimentar nune’e belei kontribui hadi’a ekonómika família inklui redúz foos importasaun husi rai li’ur”. Dehan Agostinho Ximenes ba jornalista sira iha Suku Tekinomata, Kuarta (12/06).

Lee Mós :

António Fan Nu'u Hodi Selu Eskola Iha UNTL

Iha Fatin hanesan, Administradór Postu Administrativu Laga, João Freitas de Castro, konsidera implementasaun kultivasaun haree variedade inpari 24 iha suku Tekinomata nu’udar pasu pozitivu hodi kontribui ba hasa’e produsaun alimentar liu-liu foos.

“Programa hosi Ministériu Agrikultura Peskas Pekuaria no Floresta inklui parseiru koilleta kultivasaun haree variedade inpari 24 iha Tekinomata pasu primeiru mai ami postu Laga nune’e fanu nafatin komunidade hasa’e produsaun iha área potensiál,”nia apresia.

Lee Mós :

ADFTL Halo Asaun Karidade ba Nia Maluk Defisiénsia

Nune’e mós, agrikultór Suku Tekinomata, Luis de Camoes Baptista Belo, senti kontenti implementa kultivasaun haree variedade inpari 24 hetan rezultadu di’ak no lansa koilleta direta hosi Servisu Agrikultura Munisipál Baukau ,TOMAK inklui autóridade sivil no militár hosi postu administrativu no suku.

“Ohin koilleta, ha’u kontenti tanba ema barak partisipa no hare rezutadu haree ha’u produz nune’e bele fa’an ba maluk sira ne’ebé presiza sosa,no balun ami ho família bele han,”dehan Luis.

Lee Mós :

Fiskalizadór Sira Buka Hatene Problema iha Setór Edukasaun

Enkuantu kultivasaun hare variedade inpari 24 ne’ebé koilleta iha natar besik hektares ida no iha aktividade lansamentu koilleta haree parseiru TOMAK apoiu mós ekipamentu manual baku haree ida no Hans prayer ida ba agrikultór ne’ebe implementate haree variedade inpare 24 ne’e.(gut)

324 total views, 6 views today

Oinsa Ita nia Reaksaun iha Notisia Nee?