Jornalista Caetano Guterres / Editór Noémio Falcão
BAUKAU (Timor Post)—Feen husi veteranu Celestino Ximenes koñesidu ho naran “Lemorai” sente triste bainhira ho nia oan mane na’in-tolu lakon nia laen-kaben.
“Ha’u nia laen laiha problema ida,” Iria Ximenes ho triste haktuir kronolojia akontesimentu ba Timor Post, Sesta (15/10/2021) iha Komandu Polísia Munisipál Baukau.
Lee notísia relevante: Ema Oho Veteranu Lemorai Iha Laga, Polisia Kaptura Família Na’on-Toluhttps://timorpost.com/ema-oho-veteranu-lemorai-iha-laga-polisia-kaptura-familia-nain-tolu/
Iria haktuir, antes ne’e iha loron kuarta nia rasik maka problema ho nia família sira kona-ba rai no nia laen Lemorai ba sori.
Liu tiha loron ida nia laran nia hanoin katak laiha problema ona, maibé derepente ema oho nia laen iha dalan-área Iradu’u-Suku Tekinomata, Postu Administrativu Laga, Munisípiu Baukau iha Kinta kalan (14/10/2021).
Iria hatutan, kinta dader ne’e nia ho Lemorai ba tia iha Baukau Villa no fila Lemorai ba halo servisu preparasaun ba inaugurasaun kapela Samagia no lokraik mak atu fila ba uma to’o iha area Iradu’u maizumenus tuku 7 kalan maka ema asaltu i oho.
Entretantu Komandu Polísia Nasionál Timor Leste (PNTL), Munisípiu Baukau, konsege kaptura tiha ona autor sira ne’ebé deskonfia involve iha kazu ne’e hodi halo prosesu justisa.
Lemorai nu’udar veteranu no hanesan mós Komadante ida husi organizasaun CPD-RDTL.
606 total views, 3 views today
Bele hare Video Seluk :