DILI (timorpost.com)—Emprezáriu amór de família Mart halo tan lansamentu ba loja foun ho produtu ne’ebé baratu iha Surikmas, Osindu Dili.
Diretora Loja Amor de Família Mart, Melisa Sorangku hatete, ezisténsia loja Amor de Família, ne’e fan sasán no produtu ne’ebé ho kualidade di’ak, inklui presu ne’ebé tuir ekonomia familiar nian, mesak presu baratu de’it.
“Ami loke loja Amor de Família, ne’e fan sasán no produtu ne’ebé iha kualidade di’ak, ho presu ne’ebé tuir ekonomia familiar nian, mesak presu baratu de’it, hanesan foos, mina, supreme, no sasán sira seluk-seluk tan, tanba ne’e ami husu ba komunidade atu bele vizita no hare nesesidade bázika sira ne’e kona laran bele sosa,” nia hateten iha Surikmas Osindu Dili, Tersa (19/12).
Tuir Diretora ne’e hatete, oportunidade sira ne’ebé iha ne’e mai husi Maromak, husi Maromak mak bele halo buat hotu-hotu, no planu saida de’it bele sai realidade tanba envolve husi Maromak.
“Ami la promete, maibé posibilidade ami bele loke too iha Munisípiu sira, maibé presiza servisu hamutuk, atu nune’e bele dezenvolve ekonomia iha rai laran ida ne’e,” nia konfiansa.
Iha oportunidade hanesan, Ministru Komérsiu no Indústria, Nino Pereira hatete, agradese ba emprezáriu amór de família Mert ne’ebé loke tan loja foun.
“Ita agradese tanba ohin marka istória ida, tanba emprezáriu hanesan Amor de Família bele kontribui ba dezenvolvimentu ekonomia iha nasaun ida ne’e, ohin sira bele loke loja boot iha Timor Leste, hodi aumenta kampu traballu ba Timor oan sira atu servisu iha nia rai laran, tanba husi planu sira ne’e mak bele hasae ita nia kresimentu ekonómiku iha rai laran.” Dehan Ministru Komérsiu no Indústria (MKI), Nino Pereira liuhusi nia diskursu iha ambiente lansamentu ba loja Amor de Família Mart iha Surikmas Osindu Dili.
Tuir nia katak, polítika emprezáriu Amor de família halo ne’e iha rai ida ne’e, atu haforsa aumenta dezenvolvimentu ekonómiku iha rai laran, tanba atu diversifika ekonomia iha Timor Leste.
“Ita emprezáriu Amor de família halo iha Timor Leste ne’e, sai ezemplu ida ba governu Timor Leste oinsá bele loke kampu traballu ba juventude feto mane ne’ebé sai nivel dezempregu iha Timor Leste, atu bele transforma sira hodi hetan servisu no kontribui ba ita nia nasaun rasik,” nia haktuir.
Nia dehan, ida ne’e oportunidade di’ak ba joven sira, atu aproveita servisu ida ne’e, hodi dezenvolve rai ne’e.
Tanba ne’e, Ministru Komérsiu no Indústria husu ba Empreza atu kontinua loke loja sira hanesan too iha munisípiu, hodi nune’e bele fó servisu ba joven Timor-oan sira.
1,277 total views, 3 views today
Bele hare Video Seluk :