ADVERTISEMENT

Xefe Estadu Apresia Forum Emprezariál iha Singapura

Mario da Costa - Ekonomia · Internasional
Jornalista : Komunikadu Imprensa
  • Share
Prezidente Republika, José Ramos Horta, ko'alia hela iha forum Emprezariál iha Singapura, Imajen Esp.

Díli (timorpost.com) – Prezidente Repúblika, José Ramos Horta, Sesta (09/12), loke forum emprezariál Timor-Leste ne’ebé organiza husi Governu Timor-Leste liuhusi Trade Invest hamutuk ho Kámara Komérsiu no Indústria Singapura (SCCCI) iha edifísiu SCCCI.

Tuir Komunikadu Timor Post Online asesu, Sábadu (10/12), katak partisipa iha forúm ne’e, investidór internasionál atus ida resin mai husi Singapura no Europa ne’ebé iha interese atu investe iha Timor-Leste.

ADVERTISEMENT
SCROLL FILA BA NOTISIA


“Ohin iha forúm bo’ot ida di’ak tebes, organiza husi Governu no Trade Invest, Embaixada Timor-Leste mai Singapura no Konsellu Emprezariál Singapura. Forúm investimentu ne’e susesu bo’ot tanba kuaze investór atus ida resin mak partisipa, normalmente tuir ema balun dehan, investór interessadu sira mai partisipa ne’e, mai husi rai seluk ne’ebé investe iha Singapura, iha aprezentasaun di’ak tebes husi Timor-Leste, liuliu Trade Invest no petroleum nian (AMPN) inklui CCI-TL no reprezentante investidór ne’ebé investe ona iha Timor. Ema hotu tuir haree kontente tebes,’’ Dehan Horta.

Lee Mós :
Estudante Pontensial Timoroan Na’in 6 Representa TL iha Doha

Tuir Xefe Estadu, vizita ne’e iha reasaun di’ak husi Prezidente Repúblika no Primeiru Ministru Singapura nian, no sai hanesan reforsu ida ba investimentu no adezaun Timor-Leste ba ASEAN.

Xefe Estadu mós defende nesesidade hadi’a setór judisiáriu, nune’e bele garante seguransa ba investimentu iha Timor-Leste.

Durante aprezentasaun, Trade Invest introdúz kona-ba razaun Timor-Leste dada investidór no balansu durante tinan rua nulu nia laran.

Lee Mós :
Embaixadór Inglatera Promete Sei Vizita Timor-Leste

Hafoin ida ne’e, iha mos aprezentasaun husi kompañia Internasionál ne’ebé investe ona iha Timor-Leste hanesan Bolloré, East Timor Trade, Timor Plaza, inklui CCI-TL.

Aprezentasaun ikus liu mai husi Autoriedade Nasionál Pretróleo no Minirais hodi esplika kona-ba prossesu investimentu iha Greater Sun Rise ne’ebé dadaun ne’e iha ona akordu atu dada mai Timor-Leste.

Hafoin forum emprezariál, Prezidente Repúblika hamutuk delegasaun kontinua vizita projetu Newater, nu’udár projetu transformasaun bee foer ba bee konsumu.

“Singapura halo resiklajen ba bee, bee hotu husi dapur, haris fatin, udan ben ne’e hotu sira aproveita halo nia resiklazem, atu sai be konsumu ba ema hotu, ne’e teknolojia ida komplikadu tebes inklui karun, ha’u la fiar ita bele halo, maibé ita ba atu haree no ne’e hatudu lideransa Singapura nian, lideransa ne’ebé sempre buka solusaun ruma ba dezafiu ne’ebé Singapura no mundu enfrenta ne’e duni ita buka halo relasaun metin liután, nune’e bele halo kapasitasaun ba funsionáriu hotu hodi garante adiministrasaun públika iha Timor,’’ argumenta Horta.

Lee Mós :
PM Taur Bandu Eis Titulares no Membru Governu Simu Subsídiu 200 USD

Ba Xefe Estadu, Singapura rai kiik ne’ebé avansadu iha infraestrutura, konservasaun bee no ambiente relasiona ho akesimentu global.

 1,947 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Xefe Estadu Apresia Forum Emprezariál iha Singa…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No