ADVERTISEMENT

Subsídiu 200 USD, Suku Lahane Oriental Naran Dupla Barak

Mario da Costa - Ekonomia
Jornalista : Jerimias Soares
Editor : Mário da Costa
  • Share
Governu halo pagamentu ba subsídiu fim do ano 200 USD, iha Suku Lahane Oriental, Tersa (13/12), Imajen TP/Jerimias Soares

DILI (timorpost.com) – Xefe Suku Lahane Oriental, Postu Administrativu Na’in-Feto, Munisípiu Dili, Trindade Pinto Baptista, preokupa lista benefisiáriu uma-ka’in sira ne’ebé simu subsídiu Fim do Ano, 200 USD, iha suku refere naran dupla mak barak.

Nia hatete, prosesu fahe osan 200 USD, ba benefisiáriu sira bazeia ba dekretu lei númeru 37, ne’ebé fó sai husi Governu. No iha dekretu lei ne’e mós hatete funsionáriu ne’ebé hetan vensimentu kada fulan 500 USD ba leten, sei labele simu, maibé hanesan Autoridade laiha kompeténsia atu halo kanselamentu ka impede sira, husu sira nia-an rasik atu obedese ba regra ne’ebé define ona.

ADVERTISEMENT
SCROLL FILA BA NOTISIA


“Ami kumpre regra ne’ebé iha, prosesu pagamentu ami hahú iha tuku 8:30, dala-ruma ami tarde, tuku 9 mak ami komesa, tanba kalan ami toba hein osan iha ne’e (Sede Suku), dadersan ba hariis, depois mai fali hodi fahe osan ba benefisiáriu sira”, Trindade informa ba Timor Post iha nia-kna’ar fatin, Sede Suku Lahane Oriental, Tersa (13/12).

Lee Mós :
ASEAN Vizita Aportil Hodi Hatene Planu Dezenvolvimentu

Nia dehan, prosesu fahe osan iha suku refere, kada loron ida aldeia-ida, no durasaun tempu pagamentu ne’e loron sanulu resin haat (14 dias)

“Ami iha aldeia-13, lansamentu iha dia 6 liubá, aldeia Alecrin mak uluk, maibé ba ema na’in-6 de’it, depois dia 7 mak hahú pagamentu normal husi aldeia Alecrin duni”, nia afirma.

Trindade relata, tuir informasaun ne’ebé nia parte simu husi Xefe Aldeia sira, katak iha faze verifikasaun, sira check iha lista, naran benefisiáriu sira nian dupla mak barak.

Lee Mós :
Xefe Estadu Promulga Ona Subsídiu Osan 200 USD ba Uma-Kain

“Tuir informasaun husi ha’u-nia Xefe Aldeia sira, iha faze verifikasaun, sira check lista, naran dupla mak barak, ezemplu hanesan aldeia Suhu Rama, dupla ne’e iha kedas uma-ka’in-20. Dadus sira-ami hatáma ba ne’e liuhusi Postu ba munisípiu, depois haruka ba Estatál, hafoin enkamina fali ba MSSI atu bele konsidera lista sira ne’e, sira hatete ba ami, katak sira halo verifikasaun ba lista sira ne’e, mais agora verifika mós mai naran dupla, ne’e verifika ka lae, ou keta sira dukur hela mak hatáma de’it ba”, Trindade preokupa.

Trindade relata, iha Nia suku foin iha família uma-ka’in na’in ida mak ba reklama katak naran laiha, tanba tuir regra laiha reklamasaun, reklamasaun tenke halo antes.

Lee Mós :
Tomate Folin Sa’e iha Merkadu Taibesi

“Antes ne’e ami hatáma tiha ona lista reklamasaun ba benefisiáriu sira ne’ebé naran laiha, se agora nia naran laiha, ita labele halo reklamasaun, tanba tuir regra reklamasaun tenke halo antes prosesu pagamentu”, Xefe Suku ne’e afirma.

Entretantu, Suku Lahane Oriental iha aldeia-13, kompostu husi Aldeia Suhu Rama iha benefisiáriu uma-ka’in-384, Temporal-368, Tuba Rai-305, Monomento Calma-275, Metin-237, Deanbata Besse-224, Marabia-211, De Penal-207, Raí Mean-195, Alecrin-191, Becoe-177, Serre-141 no aldeia V. de Lahane-128.

 2,166 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Subsídiu 200 USD, Suku Lahane Oriental Naran Du…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No