DILI (timorpost.com) – Ró kruzeiru ho marka Ponant, Kinta (15/09), atraka ona iha Portu Díli, ho turista sira na’in-127.
Tuir observasaun Timor Post Online, Ró Ponant atraka iha oras tuku 7:00 dadeer, ho objetivu atu halo vizita ba area turizmu istóriku, relijiozu no kulturál hirak iha Dili laran.
Turista 127 ne’e kompostu husi Nasaun Australia, Fransa, Belgia, Canada, New-Zeland, Spanha, Switzerland, no United States.
Iha oras 08:39 simu turista 127 ne’e simu ho dansa kultura husi Grupu feto kmok Lero.
Portantu tuir ajenda, turista sira ne’e, sei vizita muzeum rezisténsia, sentru chega, tais market, santa kruz, kopertiva kafe Timor Akadiri-hun, no Kristu Rei.
Iha vizita ne’e ho transporte Bus hamutuk 12 ne’ebe sira fahe ba grupu haat (4), ho nune’e sira ba vizita ne’e hahú iha oras tuku 8 dadeer to’o loraik.
1,512 total views, 3 views today
