Dili (timorpost.com) — Relasiona ho deklarasaun husi membru Associação de Nações do Sudeste Asiático (ASEAN- Sigla-Portugues), ne’ebé deklara ona katak Timor-Leste mós sai membru ASEAN, Ministru Koordenadór Asuntu ba Ekonomia (MCAE), Joaquim Amaral, hatete Timor-Leste presiza halo servisu reforsa interna iha asuntu ekonomia nian.
“Ita halo hela servisu reforsa interna sira, atu nune’e bele prepara aan di’ak liu tan hodi reforsa ita-nia ekonomia rai laran, atu nune’e ita sai membru ASEAN ita bele iha benefísiu aproveitamentu husi ita-nia integrasaun no ita-nia Ekonomia rejionál ida ne’e maka importante. Konserteza benefísiu barak primeiru ita hanesan rai ida ki’ik ita labele taka aan”, nia hateten iha Parlamentu Nasionál, Segunda (14/11).
Enkuantu Timor-Leste dezde inisiu harii Estadu Repúblika Demokrátika Timor-Leste no restaura independénsia hahú kedas Ekonomia nakloke. Maibé regulamentu lubuk ida regula no fó referénsia proteje atividade Ekonomia.
“Tanba ne’e maka ita iha períodu tranzisaun ita seidauk tama, ita tenta servisu no halo esforsu posivel dezenvolve ba ita-nia setór produtivu sira hanesan Agrikultura, Turizmu, Peska no setór sira ne’ebé ita bele dehan iha nia sustentabilidade ba iha ita-nia dezenvolvimentu setór produtivu sira”, nia dehan.
Nune’e maka oitavu Governu Konstitusionál tenta introdús kadernu valores ne’e ho nia objetivu ida maka atu hasa’e produsaun rai laran, tenta involve setór privadu sira atu bele investe iha setór produtivu sira iha rai laran.
Nune’e Kontratu sira ne’e iha ninia kota ate 75%, produtu sira ne’e sira tenke sosa produtu rai laran ne’ebé oportunidade ne’e nakloke boot.
“Ha’u husu ba ita-nia setór privadu Timor-Leste bele aproveita oportunidade ida ne’e hodi investe iha setór produtivu”, nia hakotu.
1,831 total views, 3 views today
Bele hare Video Seluk :