Dili(timorpost)—Forum Organizasaun Noun Governamentál Timor-Leste (FONGTIL) husu ba Governu atu antesipa ai-han ba bailoro naruk, tanba ho produsaun rai laran ne’ebé menus.
“ami rekomenda ba governu prepara ka antesipa hela ai-han hodi responde ba bai loron naruk ne’e”, Diretór Ezekutivu FONGTIL, Valentim da Costa Pinto, dehan ba Timor Post iha sede Asosiasaun HAK Faról, Sesta (10/11).
Fongtil husu ba Governu atu asegura ai-han sira liuliu oinsá mak bele apoiu CLN iha stock ai-han ruma hodi bele halo intervensaun iha merkadu no mós bele apoiu ba uma-kain sira ne’ebé ke enfrenta problema ai-han.
Nia mós rekomenda ba governu atu identifika populasaun sira ne’ebé hela iha area remota liuliu sira ne’ebé sofre ba bee hodi hasa’e produsaun atu sustenta nesesidade kada loron nian. Governu tenke identifika nune’e bele tulun mós sira.
“Tantu iha area remota sira, iha kosta súl, tanba bailoron naruk ita presiza tebes ba ai-han no bee, entaun governu tenke area ida ne’e hanesan prioridade ida ne’ebé kee bele halo atuasaun hodi labele afeta makaas ba ita-nia populasaun”, Valentim sujere.
Governu presiza asegura stock ai-han no mós kontinua fó avizu ba populasaun sira hodi bele halo mitigasaun ba aan-rasik bainhira kuandu situasaun ne’e mosu.
1,302 total views, 3 views today
Bele hare Video Seluk :
Subscribe to Timorpost
