DILI (Timorpost.com) – Bispo Cardeal e Arcebispo de Dili, Dom Virgillo Do Carmo Da Silva, SDB, inaugura Laboratiriu Komunikasaun Sosial, Universidade Catolica Timorense ( UCT), Dili, Kinta-feira ( 07/09/2023 ).
“ Ohin hakat tan pasu ida, halo marka istoria ida, iha Universidade Catolica Dili, ne’ebe harii no kompleta instrumentu hotu ba pratika komunikasaun sosial nia,” Bispo Kardeal dehan.
Tuir Bispo Dom Virgilio Do Carmo Da Silva, SDB, komunikasaun sosial importante tebes ba futuru lideransa sira, liuliu kunhesimentu kona-ba utilizasaun meius komunikasaun modern ba publiku.
“Universidade ne’e mos kompromete nia an, atu prepara treinu, eduka mos joven sira ne’ebe mak hala’o sira nia estudu. Prepara sira atu sai duni ema profisional. La’os deit teoria maibe hanoin pratika ne’e importante tebes,” Bispo dehan tan.
Iha laboratoriu ne’e, introduz kunhesimentu konaba utilizasaun kompatador multi midia, halo no produz filmajen, programasaun no transmisaun liuhusi Radiu.
“Nu’udar Uma Kreda, liuhusi universidade ida ne’e, hakarak eduka duni timoroan fo sabor Katolika, atu transmiti valores liu husi komunikasaun social, ” Amo Bispo Kardeal hateten.
1,284 total views, 3 views today
Bele hare Video Seluk :
Subscribe to Timorpost
