ADVERTISEMENT

PR Horta Sei Kondekora Deputadu 88 Hakerek K-RDTL Inklui Xanana

Hermengildo Da Costa - Jeral · Polítika
Jornalista : Vicente Boavida
Editor : Hermenegildo da Costa Tilman
  • Share
Prezidente Repúblika (PR), José Manuel Ramos Horta. Foto Espesial

DILI (timorpost.com)—Prezidente Repúblika, José Ramos Horta, hatete iha posibilidade kondekora mós deputadu 88 ne’ebé kria ka hakerek Konstituisaun Repúblika Demokrátika Timor-Leste (RDTL), inklui Xanana Gusmão.

“Antes ita to’o iha membru Asembleia Konstituinte iha ema ida naran Xanana Gusmão, nia nunka reklama ba kondekorasaun ruma, nune’e mós sira seluk hanesan nia nunka reklama kondekorasaun,” Ramos Horta hateten ba jornalista sira, Tersa (05/12), iha Aeroportu Internasionál Dili.

ADVERTISEMENT
SCROLL FILA BA NOTISIA


Nia hatete katak atu kondekora ne’e presiza hahú husi sira ne’ebé mak mehi iha 1975 kria ASDT, UDT, molok atu too iha sira halo Konstituisaun.

Lee Mós :
AJAR Konsidera Ro Haksolok Kontribui Hariku Portugal

Prezidente Repúblika hato’o lia hirak ne’e hodi hatán ba Jurista Timoroan ne’ebé husu ba PR kondekora mós deputadu 88 ne’ebé mak hakerek Konstituisaun Repúblika.

“Ha’u hein balu halo inisiativa rekomendasaun oioin, simbóliku karik bele fó kondekorasaun ba deputadu 88 ne’e, ha’u la iha obrigasaun dezde iha rekomendasaun para rekoñese.

Xefe Estadu ne’e hatete dezde nia mandatu primeiru kedas, sempre rekoñese mestre no enfermeiru sira, la’os profesór universidade sira, maibé hahú kedas husi mestre kiak tebes sira husi aldeia.

Lee Mós :
Feto Presiza Envolve iha Polítika

Tanba ne’e mak husu ba Ministériu Edukasaun (ME) aprezenta lista mestre sira no mós deputadu balun.

Hanesan deputadu David Dias Ximenes (Mandati), nia la’os deputadu de’it iha tinan 20 nia laran, maibé uluk tempu Indonesia torturadu halo parte iha luta klandestina ho sira seluk tan.

“Ne’e ema barak mak rekomenda Deputadu Mandati nia naran,” Premiadu Nobel ba Pas ne’e haktuir ba Jornalista sira.

Lee Mós :
Rezultadu Eleisaun Suku 2023 Iha RAEOA

Prezidente Repúblika mós hatete, la’ós ba Profesór de’it, maibé kondekora mós Madre no Padre lubuk ida, tanba sira la’ós de’it halo orasaun iha igreja, maibé sira mós ajuda populasaun no vítima sira.

“Balu ne’ebé seidauk rekoñese, prosesu ne’e sei kontinua, la’ós dehan remata tia-ona iha fulan Novembru liu ba ne’e,” nia hatete.

 573 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PR Horta Sei Kondekora Deputadu 88 Hakerek K-RD…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No