DILI, (timorpost.com)—Ofisiál Superiór husi Falintil Forsa Defeza Timor-Leste (F-FDTL) no Polísia Nasionál Timor-Leste (PNTL), realiza “pra-parada” juramentu nian iha Palásiu Governu, Kinta dader, (07/12), hale’u tuku 8:00 to’o remata tuku 10:00, tanba ne’e Ofisiál Superiór husi instituisaun rua ne’ebé involve iha arte marsiál no arte rituál prontu ona ba juramentu.
Husi gladi ba serimonia juramentu superiór F-FDTL ho PNTL ne’e, komisaun orientadora b serimónia juramentu, Koronel Esteves, husi F-FDTL, hatete, partisipante hotu tenke kumpri no la’o tuir orientasaun ne’ebé dader ne’e halo ona atu nune’e labele hamosu diferénsia bainhira serimónia juramentu la’o iha loraik.
“Iha formatura parada forsa armda, polísia labele tuur ou labele sai husi liña formatura, hotu-hotu kumpri para lokraik ne’e labele sala att liu”, Koronel Esteves, informa ba ofisiál no membru F-FDTL no PNTL ne’ebé partisipa iha pra-parada dader, Kinta, (07/12).
Nia hatutan, “Iha parada ne’e arma karik aprezentar arma ba alta entidade, membru sira partisipa hotu-hotu fó kontinénsia ba alta-entidade”.
Hafoin membru PNTL ho F-FDTL to’o hotu iha oras tuku 7;30, hahú kedas iha oras tuku 8:00 dader, membru F-FDTL no PNTL halo formatura komandante pelataun ida-idak aprezenta formatura ba inspetór iha seriomónia juramentu nian.
Hafoin ramata pasa revista, reprezentante Xefe Governu iha gladi fila ba nia fatin, inspetór serimónia fó kontinénsia, kontinua ho dada bandeira nasionál no kanta hinu nasionál.
Iha serimónia juramentu ne’e, ofisiál superiór husi F-FDTL membru forsa sira halo juramentu uluk, kontinua kedas ho ofisiál superiór PNTL hoo membru sira , ikus liu mak asina deklarasaun.(*)
888 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Ofisiál Superiór F-FDTL no PNTL Preparadu ba Juramentu](https://timorpost.com/wp-content/uploads/2023/12/IMG-20231207-WA0026.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)