ADVERTISEMENT

ISFIT-UNTL Asina MOU Hadi’a Kualidade Edukasaun

Timor Post - Dili · Edukasaun
Jornalista : Estaziadu Cornélio Mota
Editor : Asistente Editor Hermenegildo da Costa Tilman
  • Share
Prof. Dr. Martino Borromeu (Liman karuk) ho Reitór ISFIT, Pe. Justino Tanec (Liman loos) asina hela nota entendimentu iha salaun SPEPAL Fatumeta-Dili. Imajen: TP/Cornélio Mota

Dili (Timor Post)—Institutu Superior Filozofia no Teolojia (ISFIT), Dom Jaime Garcia Goulart Fatumeta-Dili, Sesta-feira (01/07) ne’e, ofisialmente realiza asinatura nota de entendimentu (MOU, Sigla Inglés) ho Fakuldade Filozofia no Siénsia Humana husi Universidade Nasionál Timor Loro sa’e (UNTL).

“Objetivu prinsipál husi asinatura nota de entendimentu ida ne’e atu ISFIT bele halo kooperasaun di’ak liu tan ho UNTL iha pillar tolu mak iha área Desénsia, peskiza no Serbisu Sosiál, hodi nune’e ba oin bele serbisu hamutuk ho di’ak liu tan entre ISFIT ho UNTL,” dehan reitór Institutu Superior Filozofia no Teolojia (ISFIT), Pe. Justino Tanec, hafoin termina husi serimónia asinatura nota entendimentu, iha salaun Semináriu Maiór Fatumeta-Dili.

ADVERTISEMENT
SCROLL FILA BA NOTISIA


Lee Mós :
CNE Prepara Debate Nasionál ba Kandidatura Prezidente Repúblika Na’in 16

Nia esplika, kooperasaun iha pillar rekursu umanu iha parte desénsia nian ba oin dosente sira husi UNTL bele hanorin iha ISFIT no husi ISFIT dosente balu bele ba hanorin mós iha UNTL de maneira gratuita, iha área peskiza nian mós husi Instituisaun rua ne’e sei halo parseria konjuntu ida iha área prioridade no tema sira ne’ebe estabelesidu husi instituisaun rua refere.

Lee Mós :
Estudante UNTL Hala'o Prátika Negósiu

 “Buat ne’ebé importante husi Instituisaun rua ne’e la’ós atu tranzmite de’it ba malu iha siénsia maibé mós atu bele komprometidu iha serbisu sosiál no eziste hodi bele serbí mós iha komunidade no Igreja,” dehan reitór ISFIT.

Iha fatin hanesan, dosente dekanu filozofia UNTL, Nicolau Borromeu, hato’o agradese ba realizasaun nota de entendimentu ne’e no nia konsidera kooperasaun ne’e importante tebes tanba ba oin bele serbisu hamutuk hodi kompleta malu di’ak liu tan iha área Filozofia nian.

Lee Mós :
Atu Atinje Mutu Edukasaun Kualidade, ME Sei Implementa Programa Lima

“Ami kontente no agradese tebes tanba bele halo ona kooperasaun diak ISFIT no liu husi kooperasaun ne’e ami bele asesu mós iha prosesu formasaun ba futuru jerasaun Igreja nian no ida seluk parseria ida ne’ebé bele hasa’e kualidade iha área akadémika hodi hatán ba rekizitu sira avaliasaun institusionál nian,” deklara nia.

 2,410 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “ISFIT-UNTL Asina MOU Hadi’a Kualidade Edukasaun” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No