ADVERTISEMENT

Sidadaun Sira Hakat Ilegal ba Hasa’e Sintu iha Atambua, Baku Rahun Sasán iha Sentru Kuarentena

- Dili
  • Share
Imajen ne’e hatudu entrevista Jornalista ho Komandante Polísia Nasionál Timor-Leste (PNTL) Munsípiu Dili, Superentendente Xefe Henrique da Costa. Foto Espesiál

Jornalista Jaime Pires / Editór Noémio Falcão

DILI (Timor Post)—Sidadaun sira ne’ebé mak hakat ilegal husi fronteira ba hasa’e sintu ka sabuk iha Atambua-Indonézia no autoridade seguransa nasaun viziñu ne’e kaptura haruka fila mai Dili, baku rahun sasan iha Sentru Kuarentena Tasi-Tolu.

ADVERTISEMENT
SCROLL FILA BA NOTISIA


Komandante Polísia Nasionál Timor-Leste (PNTL) Munsípiu Dili, Superentendente Xefe Henrique da Costa ba jornalista sira iha nia servisu fatin, Kaikoli, Kinta (26/08/2021) haktuir, nia simu ona relatóriu kompletu kona-ba akontesimentu ne’e husi komandu eskuadra.

Lee Mós :
MS Inaugura Uma Emerjénsia Foun SS Komoro

“Orentasaun tun ona ba iha komadante eskuadra no parte investigasaun, katak depois sira (autor baku rahun sasan) kumpre tiha loron kuarentena, investigasaun sei la’o,” Komandante Henrique subliña.

Henrique haktuir, polísia foti ona dadus kona-ba sasan sira ne’ebé hetan estragus mak hanesan odamatan haris fatin no kama.

“Sira estraga kama ida no odamatan haris fatin, maibé prosesu investigasaun la’o ba mak ita haree sasan hira mak sira estraga,” Henrique hatutan.

Lee Mós :
Ezekusaun OJE 2021 MSSI Atinje 46%

Seidauk bele fó sai ema na’in hira mak halo asaun ne’e iha kuarentena Tasi Tolu.

“Akontese (25/08/2021) maizumenus tuku sia kalan ba leten hanesan ne’e, maibé informasaun agora iha ne’e iha akontesimentu ne’e laiha ema ruma mak kanek,” Henrique salienta.

Antes ne’e Autoridade Seguransa Repúblika Indonézia liuhusi Kapolres Belu, Dandim no Migrasaun, Kinta (19/08/2021), deporta timoroan na’in-352 ne’ebé tama ilegál ba Atambua-Nusa Tengara Timur (NTT). Timoroan hirak ne’e involve iha Grupu Arte Marsiál Persaudaran Setia Hati Terate (PSHT).

Lee Mós :
Prepara-an Ratifika Protokolu Ba Riku Soin Bio Diversidade

Membru hirak ne’e tama ilegal ba Atambua ho objetivu hasa’e sintu (sabuk).

 601 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Sidadaun Sira Hakat Ilegal ba Hasa’e Sintu iha …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No