Dili(timorpost.com)—Jogu final Juventude Fretilin Cup, ne’ebé hala’o iha kampu Futsal Bebora Dili, Segunda (17/04/2023), entre ekipa FC MRH Feto, kontra ekipa Fc Nano ho score 5-4.
Fc MRH sai primeiru lugar ba jogu futsal feto, manan ho penalti hosi Fc NANO ho score 5-4, ne’e orgullu boot ba treinadór ho ekipa Fc MRH, tanba bele hetan vitória iha jogu juventude Fretelin Cup.
“Nu’udar treinadór ha’u sente kontente no orgullu, durante treinu ha’u nia jogadores sira ne’e la saugati, fim ha’u nia ekipa konsege halakon nia adversáriu Fc Nano ho score 5-4, tanba ne’e ha’u nia ekipa mak sai primeiru lugar iha jogu Juventude Fretilin Cup ne’e”, dehan Nilton Cabral, ba Jornalista Timor Post iha kampu Futsal Bebora.
Durante hahú jogu Fc MRH lakon dala ida ho Fc Nano ho score 4-0 no empate dala ida.
“Loke jogu Fretilin Cup ida ne’e hodi kria amizade, pas estabilidade ba ita nia nasaun Timor-Leste no halibur mós ita nia joven ne’ebé mak iha kriativu talentu bele joga”, nia dehan.
“Ba oin Fc MRH sei hadi’a ka esforsu di’ak liu tan, tanba ami nia jogadór balun sei hala’o estudu, balun kaben na’in no balun foku ba atividade seluk, tanba nune’e ba oin ami sei hadi’a atu bele kompete iha liga tuir mai ne’e”, nia hakotu.
3,075 total views, 6 views today
Bele hare Video Seluk :