DILI (timorpost.com) – Eis Sekretáriu Jerál Federasaun Futeból Timor-Leste, Nélio Isaac Sarmento, sujere ba (FFTL), redús Funsionáriu sira hodi apoiu orsamentu barak ba atividade futeból iha Timor-Leste.
“Federasaun Futebol tenke fera ulun, taba ita haree kuandu orsamentu apoiu husi FIFA mak haree de’it ba saláriu vensimentu to’o iha rihun 100 USD ka to’o rihun 200 USD, di’ak liu ita minimiza funsionáriu atu orsamentu ne’e apoiu ba atividade Futeból,” dehan nia iha Bairru Grilhos, Kinta (22/09).
Nia aumenta tan, tanba objetivu FIFA apoiu orsamentu ba Federasaun Futeból ne’e, orsamentu ne’e atu ba atividade Bola ninian, agora FIFA fó apoiu hela de’it maibé atividade bola laiha ne’e mós fó perguntas boot FFTL hanesan inan ba Futeból Timor-Leste.
“Tanba ne’e FFTL Tenke jere oinsá bele apoiu orsamentu hanutuk ho Governu atu nune’e Liga ne’e bele la’o, tanba kuandu Liga ne’e lala’o mós impaktu ida ba FFTL rasik tanba kada tinan hetan apoiu husi FIFA maibé atividade bola laiha,” dehan nia.
Eis Sekretáriu Jerál FFTL ne’e reforsa, nia oarte la dehan Funsionáriu Iha FFTL ne’e barak liu maibé presiza duni halo redús ba funsionáriu, tanba kuandu haree ba orsamentu apoiu husi FIFA ne’e mak pursentu 70 ba saláriu de’it entaun presiza duni redús Funsionáriu.
“Atu nune’e orsamentu ba saláriu ne’e bele to’o de’it pursentu 40 ne’e maibé pursentu 60 ne’e bele apoiu ba atividade Futeból, ne’e mak Federasaun tenke hanoin ba oin,” hateten Nia.
Nia aumenta, tanba ne’e lga agora lala’o ne’e tanba governu liuhusi SEJD no FFTL mak tenke responsabilidade tau osan atu nune’e Liga ne’e bele la’o, tanba sira na’in rua mak na’in ba Liga ne’e, maibé orgaun Liga Futeból Timor-Leste (LFTL) ne’e independente maibé, sira organizasaun de’it jogu, apoiu ne’e mai husi Governu liuhusi SEJD no FFTL.
“Ha’u mak momentu sei SEJD Liga la’o ona, tanba momentu iha ha’u-nia tempu ita la’o de’it ho orsamentu duadesimu mós atividade kontinua la’o, entaun agora SEJD ho FFTL mak tenke fera ulun oinsá Liga ne’e bele la’o, tanba agora Prezidente Liga Futeból Timor-Leste mós rejigna-an tan ona, oinsá Liga atu la’o,” hateten nia.
Tuir nia, Liga Futeból Timor-Leste époka ida ne’e mós di’ak liu laliga halo ona tanba, besik tama ona períodu foun, kuandu la’o difisil tanba besik tinan foun tama ona, tuir loos la’o ona iha fulan Agostu ka fulan hirak liubá kotuk.
2,209 total views, 3 views today
Bele hare Video Seluk :
Subscribe to Timorpost
