ADVERTISEMENT

Pas No Estabilidade Membru Artes-Marsiais No Rituais Kria Diálogu

Timor Post - Opiniaun
  • Share
Husi: Moises Vicente

Husi: Moises Vicente

Nasaun Repúblika Demokrátika Timor-Leste (RDTL) ninia lei forte los, iha ne’ebé lei númeru 5/2017 kona-bá arma branka no rama ambon no Lei Kodegu Penal Timor-Leste. Oinsa mak autoridade seguransa sira hanesan implementador lei no ordem, ita nia Polísia Nasional Timor-Leste (PNTL) no bele servisu konjunta hamutuk ho FALINTIL-Forsa Defeza Timor-Leste (F-FDTL) bele implementa lei refere iha tereñu. Bainhira ita nia membru artes-marsiais sira no rituais halo krime ruma iha komunidade nia leet.

ADVERTISEMENT
SCROLL FILA BA NOTISIA

Ita hare no analiza ba problema ne’ebe mosu iha rai laran liu-liu liga ba grupu artes-marsiais sira ho artes rituais liu husi prespetiva juridika ba lei númeru 5/2017 pratika artes marsial sira nian forte los oinsa maka regula sidadaun sira ne’ebé involve iha Grupu Artes Marsiais no Rituais atu regulariza sira. Iha ne’ebé pratika artes marsiais no rituais ba arma branka ne’ebé defini ona lei númeru 5/2017 iha artigu 2 númeru 1 koalia kona-bá katana, espada no seluk tan, rama ambon kompletamente kriminal liu ho pena durante tinan 4 to’o 8 prizaun preventiva.

Iha semana hirak liu ba, konflitu mosu hamosu anarkizmu iha munisipiu Dili husi membru grupu arte marsial sira husi Persaudaraan Setia Hati Terate no Sete-Sete. Hodi rezulta mos membru forsa armada FALINTIL-Forsa Defeza Timor-Leste (F-FDTL) ida kanek iha nia ulun no estraga sasan, harahun komunidade sira nia uma. Ho situasaun ida ne’e, munisipiu Dili dala ruma membru Grupu Arte Marsial (GAM) uza ho violensia hodi ohi mebru arte marsial sira seluk hadaet ba to’o munisipiu seluk. Ita nia joven foin sae sira, lakoi rona malu, lakoi respeitu malu, grupu ida mak makas liu, ba fali iha grupu seluk. Nasaun Timor-Leste ne’e, nasaun direitu demokratiku, nasaun ida ne’e aplika ho lei mak sei regula sidadaun hotu-hotu ne’ebé moris iha Timor-Leste atu kumpri tuir lei Timor-Leste nia. Se ó moris iha nasaun ida nia laran, hotu-hotu tenke respeitu valores direitu umanus ema seluk nian. Labele ho grupu-grupu atu hatudu liman ba ema seluk. Buat artes marsial ne’e buat diak, ne’e hanesan atividade Desportu ida. Iha ne’ebé dala ruma sidadaun balu hetan ona materia ne’e iha ciênsia Desportu liu husi edukasaun formal nomos edukasaun non-formal.

Lee Mós:
KRAM Sei Kria Lei Própriu Ba Arte Rituais

Liga ba kazu sira iha leten, iha teoria balu husi Dom Carlos Filipe Ximenes Belo dehan nune’e  “Timor manan ona liberdade, maibé lakon moral”. Iha seni bela diri ka arte marsial ne’e, ciênsia ida ne’ebé estuda kona-bá oinsa mak atu defende-an, hadia ita nia saúde diak, atu hadia ita esperitualidade, defende ema ne’ebé laiha kbii’t laek, ajuda ema seluk. Tuir teoria husi Muhamad Syahrial olahraga bela diri adalah perpaduan aktivitas fisik dengan unsur seni, teknik membela diri, olahraga serta olah batin. Tuir hakerek na’in nia hare’e ka observasaun katak iha Timor ne’e, ita tama iha grupu arte marsial ruma, hakarak odi ema seluk, hakarak hirus ema seluk, rasa kecemburan sosial ba ema seluk. Exemplu dala ruma nia uluk odi nia, depois tama iha grupu arte marsial, wainhira sae tiha sai hanesan Pendekar ruma, komesa ataka grupu ida ne’ebá no grupu ida ne’e mai. Teoria Jacky Chan katak arte marsiais laos para atu tuku malu ka kombate malu iha dalan, laos para atu uza kontra ema, satan estraga sasan. Tanba se ita uza arte marsiais kontra ema (ema fraku no la iha defeza) ita laos eroi, ita laos ema.

Lee Mós:
Opiniaun: FALSIFIKAUN NOTA KA DOKUMENTU NE’E KORRUPSAUN !

Iha sorin seluk, mensajen furak ita nia Kardial Dom Virgílio dehan “Ita hotu hamutuk mak foin forsa, tanba ne’e grupu arte marsiais sira tenke promove dame tanba ne’e husu ba lider arte marsiais sira ba oin kaer liman, servisu hamutuk ho espiritu respeita no hadomi malu molok atu implementa tuir papel Papa João Paulu II nian, liu-liu foinsa’e sira atu eduka malu no orienta tuir kultura dame no domin nian,” Kardial Dom Virgílio do Carmo da Silva, SDB. (Públika iha mídia online Neon Metin, 07 Setembru 2022).

Razaun  ida entre razaun balu husi Governu hodi reativa atividade grupu artemarsial PSHT, KORK no IKS mak hafasil kontrolu ba grupu hirak ne’e bainhira komete kazu krime. Iha 26 Maiu 2022 liubá bainhira reativa ofisialmente atividade Grupu Arte Marsial PSHT, KORK no IKS, ita nia Primeiru Ministru (PM), Taur Matan Ruak hateten Governu ne’ebé nia lidera iha politika importante tolu ba artemarsial sira iha Timor-Leste, hahu husi reativa sira nia atividade, hari sede sira no loke kompetisaun. Maibé realidade, depois re-ativa tiha grupu arte marsial sira kontinua halo konflitu no halo komunidade trauma no la hakmatek iha Munisipiu Dili hanesan Kapital nasaun RDTL nia ida ne’e.

Iha parte seluk, kongratula ba Governu liuhosi Ministru Defeza Interinu,  Dr. Fidelis Manuel Leite Magalhães no Ministeriu Interior, hasai ona despaxu konjuntu ho númeru 01/MI-MD/IX/2022 hodi autoriza operasaun konjunta entre FALINTIL-Forsa Defeza Timor-Leste (F-FDTL) no Polísia Nasional Timor-Leste (PNTL), liuhusi operasaun patrullamentu iha territoriu nasional. Bazeia ba hakerek nain nia monitorizasaun katak konflitu entre membru grupu arte marsial ne’ebé akontese iha loron hirak nia laran hamosu preokupasaun públiku. Servisu seguransa konjunta ho F-FDTL no PNTL ida ne’e diak, hodi nune’e bele hamenus konflitu entre grupu arte marsial iha bairo-bairo sira iha Dili laran no iha munisipiu sira seluk iha Timor-Leste.

Lee Mós:
Poezia husi Dionisio de Jesus Lopes Kona-ba Nino Konis Santana

Ikus liu, husu ba joventude foin sae sira hotu, atu kri pas no estabilidade iha ita nia rai doben Timor-Leste. Husu ba grupu artes marsial hotu-hotu tenke kria pas, kultura dame no kultura diálogu hodi nune’e bele dezenvolve ita nia rai ne’e ho diak. Ita joventude foin sae sira mak sei hamrik metin lori nasaun Timor-Leste aluta kontinua ba oin. Atu taka, iha ne’e Hakerek Na’in foti mensajen diak/furak husi Lider Nasional Xanana Gusmão husu ba joven sira labele haluha katak imi nia aman karik, imi nia tiu karik, imi nia avo sira karik terus tebe-tebes mate inimigu oho, mate hamlaha, terus hamlaha, terus kastigu, hakarak atu ukun-an, atu entrega ba imi.

*Hakerek Na’in: Alumni Universidade da Paz-(UNPAZ), Faculdade de Direito no Institutu Superior Cristal-Departemento Sociologia no Ativista. Artigo ida ne’e larepresenta institusaun ne’ebé hakerek na’in haknar ba, maibé idea no argumentu sira ne’ebé lekar iha artigu ne’e nudar opinião pesoál. Iha sujestaun ruma bele haruka iha telefone +67077291406 ou e-mail: moisesvicente59@yahoo.com

 1,273 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Pas No Estabilidade Membru Artes-Marsiais No Ri…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: