ADVERTISEMENT

Kongresu Extra-Ordinária FFTL, Esperansa Foun ba Prestasaun Atleta Ne’ebé Di’ak no Dígnu

Hermengildo Da Costa - Desportu
Jornalista : Florindo Coluna
Editor : Liduway Xavier
  • Share
Meza Kongresu aviza ajenda ba kongresista Ssira iha Hotél Timor, Sesta,10/11/2023. Foto: Florindo Coluna

DILI (timorpost.com) — Governu liuhosi reprezentante Ministériu Juventude Desportu Arte Kultura (MJDAK), atuál Prezidente Konfederasaun Desportu Timor-Leste (CDTL-sigla portugés), Macário Sanzes, kongratula Federasaun Futeból Timor-Leste (FFTL), ne’ebé realiza kongresu extra-ordinária atu lori futeból ba Timor-oan hotu, no kongresu ne’e mós sai esperansa foun ba prestasaun atleta sira-nian ho di’ak no dignu.

“Konfederasaun Desportu Timor-Leste, nu’udar mahon ba federasaun hotu-hotu, i ha’u orgullu tebes dader ida-ne’e hamriik iha ita-boot sira-nia leet, lori mós ita-nia Governu, Ministru Juventude Desportu Arte no Kultura, hodi sai sasin ba prosesu foun ne’ebé maka federasaun halo. Ohin dadeer ida-ne’e ita agradese ba Prezidente FFTL bele realiza kongresu extra-ordinária ida-ne’e atu federasaun futeból ne’e bele hakat dala ida tan ba oin”,  Reprezentante MJDAK, atuál Prezidente CDTL, Macário Sanzes, informa ba kongresista liuhosi nia intervensaun iha abertura kongresu extra-ordinária, ne’ebé hala’o iha Hotél Timor, Sesta,10/11/2023.

ADVERTISEMENT
SCROLL FILA BA NOTISIA


Lee Mós :
ASEAN Para Games, Teófilo Konkista Medalla Osan Mean Tolu

Nia hatete, tenke hanoin katak prosesu atu dezenvolve modalidade sira ne’e importante lahalimar, ema hotu interese no iha hanoin hodi kontribui ba melloramentu organizasaun desportivu sira.

Tanba ne’e, dezenvolvimentu interna federasaun nian, iha buat rua importante mak, promove organizasaun ne’ebé forte no bele lori prestasaun di’ak ba ita-nia rai Timor-Leste.

“Ha’u hanoin Federasaun tenke moris, rona ema hotu-hotu atu nune’e bele lori ita-nia atleta ba prestasaun ne’ebé mais dígnu, para nune’e ema bele fó ona mós prestasaun di’ak ba ita-nia rai doben Timor-Leste”, nia esplika.

Lee Mós :
Tenke Komu Liman Hamutuk Hodi Hadi’a Desportu

Nu’dar reprezentante Governu, Macário Sanzes, sente kontente partisipa iha kongresu extra-ordinária, hodi sai sasin hodi lori mudansa ba futeból iha nasaun ida-ne’e.

“Ha’u hamriik iha ne’e kontente tebes, atu bele sai mós sasin ba prosesu kongresu extra-ordinária nian, futebol tenke la’o di’ak. Futeból ne’e jogus ne’ebé sai tiha jogus komunitária, ne’ebé ema hotu-hotu gosta modalidade futeból”,tenik Macário.

Servisu di’ak iha federasaun nu’udar lisaun di’ak mós ba jerasaun foun sira tuir mai hodi kontribui ba futeból iha nasaun ida-ne’e, ida ne’ebé ladi’ak husik hela atu nune’e jerasaun tuir mai bele banate tuir, tanba desportu la’ós ema ida nian, maibé ema hotu nian.

Lee Mós :
Prezidente FFTL Agradese ba Asosiasaun Munisípiu Sira

Macário hatete, “Hahú husi kongresu extra-ordinária bele hetan fali anin di’ak ida, esperansa bo’ot di’ak ida, atu bele ita lori futeból sai di’ak liután ba Timor-Leste, tanba ne’e ho kongresu extra-ordinária ida ne’e bele la’o susesu atu nune’e dezenvolve futebol iha Timor-Leste, bele joga iha mundu futeból”.

Objetivu husi kongresu extra-ordinária ne’ebé realiza ne’e mak atu determina destinu atuál Prezidente FFTL, Francisco Jerónimo, ho ezekutivu balun iha estrutura FFTL nian.(*)

 627 total views,  9 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Kongresu Extra-Ordinária FFTL, Esperansa Foun b…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No