DILI, (timorpost.com)— Polísia Nasionál Timor-Leste ( PNTL) koloka ona membru PNTL ba iha fatin turístiku no fatin históriku hodi garante seguransa ba iha turista sira ne’ebé atu vizita fatin sira ne’e.
Portavós PNTL, Superientidnte Polísia, Antonio da Luz, hatete, relasiona ho turista sira ne’ebé vizita Timor-Leste, parte seguransa grantidu tanba fatin sira ne’ebé turista sira atu ba ne’e koloka ona membru PNTL sira iha ne’ebá hodi asegura fatin sira ne’e.
“Ezemplu hanesan iha Ermera ba iha Globa Timor iha Railaku, agora daudaun ita-nia segurasaan iha ne’ebá ona no mós fatin sira seluk iha Dili laran hanesan iha Dare, Muzeu, tais market, Xanana Reading Room no Kristu Rei no mós fatin seluk ne’ebé turista sira atu ba vizita, ida-ne’e mós ita-nia membru koloka ona iha ne’eba hodi asegura ita-nia vizitante sira atu ba iha fatin ne’eba”, dehan, Antonio da Luz, ba jornalista sira iha postu Dili, Kuarta, (06/03).
Nia dehan, seguransa kona-ba ne’e servisu PNTL de’it halo seguransa ba iha fatin sira ne’ebé mak distinadu ba turista sira tuir orientasaun ne’ebé mak iha, ne’ebé mai mós halo ona kordenasaun ho parte turístika nian.
Tanba ne’e, ró kruzeiru rua husi Austrália tula turista sira mai to’o iha ne’e, hamutuk 1000, depois de vizita tiha lokraik tuku 06:00 sei kontinua viajem ba fali nasaun sira seluk.
“Efetivu hira ami koloka ba ne’e, ami labele fó sai, mais ita garante katak iha fatin sira ne’ebé mak grantidu ita-nia seguransa sira, iha ne’eba atu bele garante, asegura, tanba ne’e bele dehan katak investimentu boot ida, ita-nia vizitór sira, liuliu ita-nia turista sira mai bele fó benefísiu mós ba ita-nia maluk sira ne’eba fa’an produtu iha tasi market no fatin seluk ne’ebé ita-nia vizitante sira ba vizita hodi sosa sasán”, nia hakotu.(*)
2,640 total views, 3 views today
Bele hare Video Seluk :
Subscribe to Timorpost
