DILI, (Timorpost.com)— Ekipa Konjunta PNTL kaer ona suspeitu nain-2, ne’ebé na’ok telefone hodi rezulta labarik ki’ik oan feto ho naran Nituchia Frangidae, idade-7 lakon vida no inan grave iha Ospital Nasional Guido Valadares (HNGV).
Suspeitu nain-2 ne’ebé ekipa konjunta kaer ne’e, iha ona Departamentu Investigasaun Kriminál hodi halo identifikasaun no submete ba iha prosesu investigasaun.
Ekipa konjuntu kaer suspeitu nain-2, ho evidénsia motorizada haat.
Tuir informasaun ne’ebé Timor post asesu iha terenu, kazu ne’e akontese iha loron, 21 Maiu 2024, oras 19.45 kalan bainhira matebian ho inan husi diresaun Kampung Alor ba rezidénsia iha Bebonuk, maka ema deskoñesidu sira hadau ka na’ok telefone hodi rezulta labarik ki’ik oan lakon vida no inan sofre kanek grave iha Praia dos Qoqeiros Dili.
Hafoin akontese tiha kazu ne’e, komunidade sira konsege lori labarik ho inan ba Ospitál Nasionál Guido Valadares (HNGV), maibé ikus mai la konsege salva alin feto ne’e nia vida.
2,004 total views, 6 views today
Bele hare Video Seluk :
Subscribe to Timorpost
