LIKISÁ (timorpost.com)-Ajénsia Teknolojia Informasaun no Komunikasaun Institutu Públiku (TIC Timor.IP), ninia ekipa mantein sosializa programa Sistema Identidade Úniku (IDU) ba profesor no estudante sira iha Eskola Ensinu Sekundária no Pre-Sekundária Colégio Santo Inácio Loiola (CSIL), Kasait, munisípiu Likisa.
Koordenadór Komunikasaun Interinu, Sistema Identidade Úniku (IDU), Diogo de Jesus Carvalho, esplika atividade sosializasaun, atu informa no desimina Sistema Identidade Úniku ba profesor no estudante sira, hodi estabelese ba família hotu.
“Atividade sosializasaun sistema identidade uniku ho objetivu atu informa no disemina ba ita nia alin estudante no manorin na’in sira, hafoin bele implementa sistema ne’e,” Timor Post sita komunikadu imprensa hosi TIC Timor, IP, Sábadu (13/05/2023).
Iha prosesu sosializasaun ne’e, manorin na’in no Estudante sira entusiazmu, hodi akompana aprezentasaun programa IDU, ne’ebé sei aplika iha Timor-Leste.
Nia agradese ba profesor sira iha CSIL, ne’ebé prepara ona fatin no tempu hodi organiza estudante sira, atu partisipa iha sosializasaun, nune’e hatene kona-ba prosesu implementasaun.
“Ha’u apresia no agradese ba Estudante sira tanba akompana didi’ak no husu pergunta sira ne’ebé diferente tebes”, nia agradese.
Entretantu, Diretór Colégio Santo Inácio Loiola (CSIL), Pe. Isaías Abílio Caldas, agradese ba ekipa TIC Timor, IP, ne’ebé fahe informasaun kona-ba implementasaun Sistema Identidade Úniku.
“Ami nia esperansa ba sosializasaun sistema identidade uniku ba Estudante sira informadu di’ak kona-ba implementasaun”, nia espera.
Sosializasaun programa IDU hetan partisipasaun másimu hosi manorin na’in no Estudante CSIL hamutuk 80 resin
3,314 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![TIC Timor, IP Promove Sistema Identidade Úniku](https://timorpost.com/wp-content/uploads/2023/05/WhatsApp-Image-2023-05-15-at-13.04.21.jpeg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)