ADVERTISEMENT

Fundasaun Klibur Domin Halo Enkontru Evaluasaun ba Programa Tuberkuloze 2020-2023

Marcos Fernandes - Liquiçá · Munisípiu · Saude
Jornalista : Marcos Fernandes
  • Share
Partisipante Sira Foto Hamutuk ho Diretór Fundasaun Klibur Domin, Xefe Programa Tuberkuloze Nasionál, Diretór Munisípiu Baukau no Parseiru sira

Dili(timorpost)Fundasaun Klibur Domin (FKD) halo enkontru evaluasaun ba rezultadu programa Tuberkuloze ninian durante tinan tolu ninian ne’ebé mak finansia hosi Fundu Globál no Ministériu Saúde.

“Ita halo enkontru evaluasaun ida ba projetu tomak ninia seklu tinan tolu hodi haree fila fali aprezentasaun rezultadu servisu durante tinan tolu, projetu ida ne’ebé mak finansia hosi Fundu Globál no Ministériu Saúde. Projetu TB ne’ebé mak finansia hosi Governu KOREA liuhosi Korea International Cooperation Agency (KOICA) besik tinan haat, entaun projetu ne’e remata iha tinan ida ne’e”, Diretor Fundasaun Klibur Domin (FKD), Joaquim Soares, informa ba Jornalista sira iha salaun Sentru Tibar, Kinta (30/11).

ADVERTISEMENT
SCROLL FILA BA NOTISIA


Nia hatete, realiza enkontru evaluasaun hodi aprezenta rezultadu servisu ne’ebé mak atinje ona ba ministériu saúde, parseiru sira no ba munisípiu sira ne’ebé mak aprezenta projetu ba.

Lee Mós :
FAO-TL no MAPPF Implementa Projetu OSRO

“Entaun ami sei aprezenta ninia rezultadu servisu depois de café dadeer ne’e atu ema hotu bele oinsá projetu ne’e ninia lala’ok no atinjementu durante tinan tolu hodi kontribui ba taxa redusaun tuberkuloze iha Timor-Leste”, nia informa.

Diretór Fundasaun Klibur Domin, Joaquim Soares

Tanba ne’e mak Fundasaun Klibur Domin ninia papél ne’e importante tebe-tebes, dezde fundasaun ne’e harii iha Timor-Leste liuliu iha suku Tibar, Postu Administrativu Bazartete, Munisipiu Likisa.

“Ami halo servisu lubuk ida hodi apoiu ministériu saúde atu luta kontra tuberkuloze, saida mak ita halo programa TB ne’e, ita ba tama sai iha komunidade sira nia uma ba halo tirajen ka screaming ba membru uma kai hotu-hotu ne’ebé atu hatene membru uma kain sira ne’e iha sinais tuberkuloze ka lae, depois ita rekolla sampel lori ba laboratóriu hodi halo teste rezultadu pozitivu ita halo tratamentu”, nia tenik.

Lee Mós :
Projetu Komunitariu Iha Dili Neen Seidauk Finaliza

Entaun projetu ida ne’e susesu tebe-tebes depois akompaña iha ninia rezultadu aprezentasaun hodi kontribui ba redusaun Tuberkuloze iha Timor-Leste.

Alende ne’e Klibur Domin mós tau matan ba ema kiak, ema mukit, moras króniku sira seluk no moras mental.

“Ami loron-loron simu pasiente barak mak halo tratamentu no baixa iha ne’ebá, entaun servisu funsaun Klibur Domin ne’e servisu karidade ida ne’ebé mak ita halo durante tinan 24 ona nia rezultadu di’ak tebe-tebes, komunidade kontente ho buat ne’ebé mak ita fornese ba sira, ida ne’e mak kontribui ba prosesu dezenvolvimentu nasionál hodi apoiu ministériu saúde no ministériu solidariedade sosiál no inkluzaun”, nia informa.

Lee Mós :
LH Husu Governu Fasilita Transporte Tula Eleitores ba Vota no Tula Fila

Nia salienta, kada fulan tolu kuaze deteta kazu 600, ne’ebé durante tinan tolu kuaze kazu 2.200 ne’ebé mak deteta liuhosi projetu rua ne’e, entaun bolu projetu rua ne’e baze komunidade ne’ebé ke halo screaming, tratamentu, prevensaun komunidade.

“Ita servisu ho autoridade lokál sira hodi buka tuir ema ne’ebé mak moras tuberkuloze”, nia hakotu.

 840 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Fundasaun Klibur Domin Halo Enkontru Evaluasaun…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No