ADVERTISEMENT

Trimestral Ne’e Ema nain 480 Sofre moras fuan

Augusto Sarmento - Saude
Jornalista : Jacinto Caet
  • Share

DILI— Hahú husi Janeiru 2023, Hospital Nasionál Guido Valadares (HNGV) liu hosi diresaun nasionál kontrolu moras iha HNGV rejistu moras rematizu fuan hamutuk 480.

“Hahú husi Janeiru to’o fulan ida-ne’e ita akumula dadus hotu ne’ebé médiku sira halo restroiu husi sentru saúde mai halo tratamentu hamutuk 480 kazu”, informa doutór espesialista HNGV, Herculano Seixa ba Jornalista iha Auditorium Hotel Timor, Segunda (06/03).

ADVERTISEMENT
SCROLL FILA BA NOTISIA


Nia hatutan, husi total 480 maioria joven mak sofre moras reumátika fuan ho idade menus liu 20, daudaun ne’e sira halo hela tratamentu iha hospital referral sira no Hospital Nasionál Guido Valadares (HNGV).

Doutór espesialista HNGV, Herculano Seixa esplika, moras fuan kardíaka reumátika mak moras ida-ne’ebé karakteriza husi veíkulu aat fuan, ne’e kauza husi baktéria estreptokósikas.

Lee Mós :
Sarani Protestante Presiza Mantein Protokolu Saúde

Nia haktuir, ne’e impaktu husi ijiene laiha liu-liu inflasaun iha kulit, kakorok, nehan bele tranzmite sai baktéria estreptokósikas, hosi inflasaun ne’e mak hamosu moras fuan.

Herculano hateten, prevensaun fahe ba parte tolu mak hanesan, prevensaun primária, prevensaun primária ne’e importante tebes ba labarik no ema boot ne’ebé ijiene laiha presiza halo tratamentu antibiótiku.

Prevensaun sekundária katak, pasiente ne’ebé hetan ona reumatizmu fuan fulan-fulan tenke sosan ai-moruk antibiótiku para evita problema iha válvula atu nune’e labele iha prosesu ba fuan.

Maibé, nia hateten, ba sira ne’ebé todan menus husi 20kg, fó ai-moruk 600 mil unidade no sona inter muscular kada 28 loron dala ida, sira ne’ebé todan liu 20kg fó 1.2 milões unidade, maibé sira ne’ebé alerjia fó ai-moruk amoxicillin, erythromycin no penicillin atu hemu kada loron-loron.

Lee Mós :
BTL, E.P Instala Tanke Bee Moos Ba Komunidade Maslidun

Prevensaun terseira katak, pasiente ne’ebé ho kondisaun grave tebes iha fuan presiza halo tratamentu karik labele entaun halo transferénsia ba estranjeiru hodi halo tratamentu.

“Ita fó tratamentu ba sira ne’ebé mai ho kondisaun grave, mai ho gagál jantung, iha problema iha ritmu fuan, ita fó tratamentu fó rekomendasaun tanba ita Timor seidauk halo operasaun substituisaun válvula ka troka, kazu sira hanesan ne’e ita haruka ba Malázia, Singapura, Australia inklui Indonesia”, katak nia.

Iha fatin hanesan, Diretór Jerál prestasaun saúde husi Ministériu Saúde, Odete da Silva Viegas, aumenta, daudaun ne’e moras reumátika sai númeru aas iha Timor liu-liu balun.

Nia haktuir, daudaun ne’e ekipa servisu saúde sira hala’o hela peskiza iha munisípiu Ermera, Baukau no Bobonaru.

Lee Mós :
AHDMTL Komemora Aniversáriu Ba Dala-11

Dezde tinan hirak liubá ministériu saúde servisu hamutuk ho Bairo-Pite Klínika atu halo tratamentu ba labarik sira ne’ebé hetan moras reumátika fuan, karik pasiente mai ho moras gravidade entaun halo transferénsia ba estranjeiru hodi halo tratamentu.

Moras reumátika fuan sai asuntu importante liu-liu iha ministériu saúde liu hosi diresaun nasionál kontrolu moras.

Diretora ne’e afirma, durante ne’e ministériu saúde (MS), servisu hamutuk ho East Timor, Hearts Fund, Menzies School of Health Research, Maluk Timor, ST John of God Health Care.

 

 1,605 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Trimestral Ne’e Ema nain 480 Sofre moras fuan” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No