ADVERTISEMENT

“Ha’u Terus La’ós Moras, Ha’u Terus Tan Hela Mesak”

Mario da Costa - Relijiaun
Jornalista : José Caet
Editor : Marcos Fernandes
  • Share
Matebia Padre José António da Costa

DILI (timorpost.com) — Lia rekadu hosi matebian monseñór amu José Antonio da Costa, durante tinan tolu ikus ne’e sente todan tanba moras, hanesan sarani hotu ne’ebé akompaña ninia moras haree ho matan no sente rasik.

Arsebispu Metropolitana Dioseze Dili, Dom Virgílio Cardeal do Carmo da Silva, konta momentu matebian halo ninia tratamentu saúde iha ospitál nasionál Singapura, durante fulan 10 resin, enkuantu ho tempu pandemia Covid-19, nia sente mesak, tanba lockdown ema labele halo vizita.

ADVERTISEMENT
SCROLL FILA BA NOTISIA


“Momentu ko’alia ho padre Paulo Maia, liuhosi whatsapp nia dehan, ha’u moras duni, maibé buat ne’ebé halo ha’u terus, la’ós moras ida ne’e, buat ne’ebé halo ha’u terus mak ha’u hela mesak no laiha ema atu vizita ha’u. Solidaun mak terus ne’ebé boot liu, mai ha’u, ida ne’e mak ninia halerik bainhira halo tratamentu saúde iha Singapura,” nia deklara liuhosi ninia omilia misa ikus ba mate isin amu José Antonio da Costa, iha Igreja Katedrál, Sesta (30/12).

Hafoin matebian fila hosi Singapura, tenke tama no sai iha Hospital Nasionál Guido Valadares (HNGV), hodi kontinua halo tratamentu, iha situasaun ne’e mós kontinua halerik nafatin.

Lee Mós :
Konvite Festa Nian Iha, Hahan Pronto Ona. Ba Han Ka Lae?

“Imi keta ba soe ha’u de’it iha ospitál, loos duni, ita hotu hatene no hanesan baibain ita dehan, espíritu forte, maibé isin fraku”, nia triste.

Maski matebian hasoru situasaun hirak ne’e, maibé nia laran metin, nunka lakon ninia esperansa, bainhira tama iha tempu adventu, karik semana rua atu selebra natál.

Padre Leandro, vizita monseñór ne’e, nia dehan, amu prontu ona katak, nia la prepara de’it ninia an, maibé espíritualmente prepara buat hotu, atu hodi hein loron hakotu iis nian.

Matebian molok tama iha faze krítiku ba ninia moras, nia mós preokupa ho sarani tomak. Iha loron 22 fulan Dezembru, nia haruka atu foti osan uitoan iha Dioseze, hodi entrega ba saserdote sira katak.

“Osan ne’e, parókia no família tau ba hodi gasta, atu haloot ha’u….entaun loron ne’e, ita halo misa ikus ho amu José Antonio da Costa, ninia isin iha ita nia leet”, nia triste.

Alende ne’e mós konta uitoan kona-ba matebian ninia profisionalizmu, amu José Antonio da Costa, sai vigáriu durante tinan hitu, nu’udar mestre ida ne’ebé la sente kolen atu hanorin no aman ida la baruk atu halibur, sinál unidade ninian.

Lee Mós :
Hakoak Rai-Fuik Maran Interior Atu Bele Manan Moris Foun “Nia hela iha rai-fuik maran loron 40, santanas babeur Nia”

Admira ninia kapasidade umana no intelektuál, haree uitoan katak, ema ida ne’ebé preokupa ho servisu oi-oin, maibé nia relasaun ho maromak liuhosi vida orasaun.

Sai elementu ne’ebé indispensavel iha ninia moris nu’udar amu lulik, nia fiél ba ninia obrigasaun, atu halo misa, la’ós ba nia misa de’it, maibé nia fiél ba ninia orasaun loron-loron.

Nune’e mós Igreja Katedrál, matebian amu José Antonio da Costa, rasik mak harii no halo ninia knaar dezde tinan 1999 durante tinan 29, too ohin loron finaliza ona ninia viajen moris.

Monseñór ne’e dala-barak mak kurizi na’i-lulik sira direita no indireta, bainhira saserdote sira lala’o tuir norma no regra santa kreda nian.

Dala-barak ema hanoin katak, amu-lulik ne’e hirus no siak ten, maibé ninia siak ne’e atu hatudu buat ne’ebé loos.

Katuas ne’ebé iha koñesimentu no esperiénsia moris amu lulik nian, mak hanesan tezouru, riku soin uma kreda Timor-Leste, partikularmente ba Arkidioseze Metropolitanu Dili.

Liafuan sai husi ninia ibun la barak, maibé klaru, dala-ruma hatán resposta ida kleur, mais nia sita buat ida badak maibé klaru. Liafuan hirak ne’e la monu leet.

“Ha’u bele dehan nia hetan autoridade iha ninia koerénsia da vida, buat ne’ebé nia ko’alia, buat ne’ebé nia moris, buat ne’ebé nia hanorin no buat ne’ebé nia hatudu, ita hotu bele sai sasin kona-ba ida ne’e”, nia hakotu.

Lee Mós :
Imi Ba Nasaun Hot-Hotu, Hanorin No Sarani Sira Hodi Aman, Oan No Espirito Santo

Hafoin remata misa ikus ba matebian ne’e, hato’o diskursu ruma hosi Prezidente Parlamentu Nasionál (PPN), Aniceto Longuinhos Guterres Lopes, ou ninia reprezenta, atu bele fó onra ba matebian ne’e.

Alende ne’e mós hato’o diskursu hosi família no ko’alia lori família nia naran, hafoin hato’o tan diskursu hosi administradór parokiál, amu Leandro no taka ho diskursu ikus hosi Arsebispu Metropolitana Dioseze Dili, Dom Virgílio Cardeal do Carmo da Silva.

Diskursu hotu família hahú transferénsia mate isin amu José Antonio da Costa, ba ninia kaixaun laran. Durante transferénsia isin mate la autoriza ema atu foti foto. Parte eskuteiru, THS no THM limita ema ninia movimentu.

Hafoin taka kaixaun matebian nian, kardeál halo bensa ba kaixaun amu José Antonio da Costa, mak foin lori ba haloot iha ninia rezidénsia Ai-loklaran.

 1,813 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on ““Ha’u Terus La’ós Moras, Ha’u Terus Tan H…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No