ADVERTISEMENT

Metanoia: Mudansa Iha Hanoin, Iha Fuan No Iha Hahalok ‘Hakribit imi an ba, hodi fila ba dalan diak. Basá, Reino Lalehan besik ona’

Timor Post - Opiniaun · Relijiaun
  • Share
Luis Pereira, SJ

(Reflexaun badak ba  domingo II tempo advento nian. Is. 11, 1-10; Sal. 71 (72); Rom. 15, 4-9; 3, 1-12) 

Husi: Luis Pereira S,J

ADVERTISEMENT
SCROLL FILA BA NOTISIA


Kopa mundial 2022 lao dau-daun hela. Ita akompanha trata malu, koalia lia-át ba malu, defama malu, tamba deít torse ba nasaun no jogadores favoritos  ne’ebé la hanesan. Ita mós akompanha hela iha fulan sira ikus ne’e, mosu tuda malu iha fatin balu iha kapital nasaun nian; iha demostrasaun kontra sosa kareta pajero sport ba depotado/a sira no kontra pensaun vitalisa; iha problema social ne’ebé ita hasoru hanesan numero soe malu entre kaben nain sira ás; birokrasia iha instituisaun sira komplexo tebes; korupsaun buras lós; nst. Haré ba situasaun hanesan ne’e, ita preciza mudansa iha attitude. Ita peciza transformasaun ida. Ita preciza ‘mudansa iha ita honoin, iha ita nia hahalok no iha ita nia fuan ne’ebé bele lori transformasaun ba ita nia atitude sira iha ita nia moris. Siknifika iha ita nia relasaun ho Nai Maromak, ho ita an rasik, ho maun-alin sira no ho natureza. Mudansa/transformasaun ne’e, ita hanaran  ‘metanoia. Ita hanaran mós ‘um batismo de conversão’. Tan ne’e, tempo advento bele oferese mai ita ‘oportunidade sira atu ita halo mudansa ba ita nia moris.

Tempo advento mak tempo ida Igreja oferece ba ita atu ‘prepara–an/hadia dalan ba selebra ida ne’ebé atu mai: Jesus-Kristo no Nia mai atu lori ‘ordem foun’ ba iha ita ida-idak nia moris: iha ita nia familia, iha ita nia sociedade no iha ita nia rai doben timor bazeia ba domin, solidaridade no justisa.

Lee Mós :
José Nia Obiediensia Ho Maria Nia Haraik-An, Loke Dalan Ba Jesus Nia Mai “Emmanuel katak Maromak ho ita”

Leitura sira domingo II advento nian, aprezenta mai ita konvite bót ida ba KONVERSAUN ou HAKRIBIT-AN. Konversaun katak ‘FILA-FUAN’/IHA FUAN FOUN/ METANOIA: halo mudansa/transformasaun iha hanoin, iha hahalok no iha fuan, atu ita deskobre ita nia-an lolós. Wainhira ita deskobre-an lolós ona, ita mós sei deskobre Naí Maromak. Nuné, ponto 3 ita bele reflete hamutuk: Hakribi salan; hamulak/orasaun hahi no Esperansa.

  1. Hakribit salan!

Evanjelista Mateus aprezenta mai ita figura ida: João Batista. Nia konvida ita atu prepara dalan ba Naí Maromak nia mai liu husi dalan konversaun: hakribi salan no fila ba dalan diak. Tambá, ho deít konversaun fuan nian mak bele produz projeto sira diak no lós ne’ebé bele fo naroman ba ita ema sarani nia moris rasik. Ne’e katak laós lei sira ou buat sira externo/liur nian deít mak transforma mundo, maibé, transformasaun lolós tenki hahu husi fuan. Mudansa mai uluk nia nain husi fuan laran. Basá, iha ita nia fuan mak Nai Maromak horik ba. Nia koalia liu husi ita nia konsiensia. Tan ne’e, uluk nia nain, ita tenki hasai hotu buat sira ne’ebé impede netik ita atu rona Nai nia lian, ne’ebé bis-bisu iha ita fuan laran. Só nune deit, mak ita bele simu Maksoin ne’ebé atu mai no tempo hanesan ita mós bele sai profeta ida ba ita nia maun-alin sira ou sai João Batista seluk ida iha sociedade.

  1. Orasaun hahi!
Lee Mós :
Dom Virgílio Husu Juventude Kria Pás no Estabilidade Iha Natal no Tinan Foun

Iha leitura daruak, Saun Paulo fo hanoin mai ita konaba hahi Naí Maromak liu husi Jesus-Kristo. Ita nia modo hahí Maromak mak liu husi orasaun. Orasaun mak halo ita moris foun nafatin. Orasaun mak halo ita hotu sintoniza ho projeto Salvador nian iha tempo hot-hotu iha ita nia moris ne’e.  Nuné, orasaun sai elemento fundamental no essencial tebes iha ita ema sarani nia moris iha buat hotu nebe ita halo. Saun Paulo dehan tan katak ita preciza halo orasaun nafatin iha tempo saida deít, atu nune’e, ita bele hakonu nafatin ita nia uma laran ho Maromak ni-nia domin no Maromak ni-nia justisa. So nuné deít, mak ita mós bele hetan kbít hodi bele hatene buat saida mak diak no lós liu ba ita. Hodi nuné, ita bele hatene hakribit ita salan, bele hadomi lolós no moris tuir dalan moris justisa nian ne’ebé lori ita ba to’o iha Kristo ni-nia justişa: ita nia Maksoin.

  1. Esperansa!

Profeta Isaias iha leitura dahuluk, fo hanoin ita katak husi Israel sei mosu mai ida ne’ebé justo. Nia mak sei tesi lia los, sei lori ksolok lolos ba povu Israel. Iha nia, iha paz, justisa no harmonia. Nuné, atu bele simu nia, povu sarani preciza muda moris, hadia fuan atu bele simu nia mai. Ida ne’e mak esperansa advento nian.

Lee Mós :
Papel Joven Kontribui Ba Paz No Estabilidade Iha Timor-Leste

Ita habadak reflexaun ne’e hodi dehan katak tempo advento mak tempo ida ba ita atu re-organiza ita nia ‘modo de vida no modo de proceder’ nian, ita nia projeto sira iha nivel pessoal nomos komunidade nian. Iha momento sira hanesan ne’e, ita bele haré katak so sira ne’ebé brani deít mak konsegue hanoin hikas, re-organiza, halo mudansa-transformasaun konaba sira nia moris. Liturgia domingo ida ne’e oferece mai ita modelo ida atu banati tuir: João Batista. Nia bolu no hanorin ita atu transforma fuan, hanoin no hahalok atu bele transmite ita nia energia positiva sira, koragem no esperansa ba malu no haklaken mós Lia-Fuan Diak ba maun-alin sira iha tempo nakukun moris nian.

Mai ita aproveita tempo advento ne’e, atu halo metanoia: mudansa iha metalidade no konsciensia atu bele sai sarani diak ba an rasik, ba familia, ba sociedade no ba Igreja-nasaun. So nuné deít mak ita iha naroman advento nian no naroman advento nian iha ita hodi hananu ho salmista: Naí liurai Justisa no damen nian, hit-an mai! (lupersj)

(Hakerek nain Jesuita, hela iha Monserrat-Kasait, Liquiçá no Full-time lecturer iha Instituto São João de Brito (ISJB), Kasait-Liqui

 2,803 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Metanoia: Mudansa Iha Hanoin, Iha Fuan No Iha H…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No