Hakerek Na’in: Domingos Maia
1. Tuir artigo 86°, alínea c) CRDTL, fó Direito Prerrogativo PR. Maibé nia sei hanoin rona mós opiniaun no perspetiva hosi parte hotu-hotu, iha Nasaun RDTL.
PR sei hakruk liu ba Princípio sira Konstitucionalidade.
2. PROBLEMÁTIKA INFRAESTRUTURA BA SALA DE AULA IHA FATIN ESKOLA SIRA, IHA DILI.
Haree katak volume hosi estudante sira sempre sumenta, tinan ba tinan. Maibé kapasidade sala de aula, iha eskola sira, hosi nivel Ensino Primário too ESG/TEKVOK, la aumenta tanba ho razaun: ida la iha orsamentu no mós seluk, fatin-leet atu harii eskola sira, la iha ona.
Maibé família barak mak sei okupa hela nafatin espasu no edifísiu eskola barak, iha Dili-laran, la lori ba justisa.
Maibé “esquesito” (aneh), Tribunal soi kbiit atu hasai lalais família okupante sira hosi rai-mamuk Estado nian, tanbasá mak la bele hasai lalais família okupante sira hosi rai propriedade eskola sira nian? “Ada udang di balik batu”, kah? Ema ho nebé kakutak-moos la simu duni.
Razaun katak “povu-ki’ak no fatin la iha ba família sira ne’e”, la lójiku liu! Basá hafoin tinan 20 liu URA, sei tara-an nafatin hela? Aduh!
Se sikon real hatudu duni nune’e, tanbasá mak Governo sei hateke hela de’it? Enkuantu eskola sira, kuitadu: estudante, diretor, manorin no inan-aman sira mak tenke leba baha-todan tinan ba tinan nafatin? Tanbasá, la haruka halo tok investigasaun ba okupante sira ne’e hodi foti asaun ruma nebé sériu, lalais no rigoroza? Sei dependente hela de’it ne’e!
Regra limitasaun hosi na’i- ulun sira ba urbanizasaun estudante hosi Município sira mai sidade Dili, hatoo tiha ona fila-fila, maibé la iha rigorozidade kontrolu hosi eskola sira. Maske ne’e sai knaar kompetitivu ida, basá la’ós fasil duni tanba fator eksternal barak (…).
Diretor atual Educação Município Dili (EMD) nian, ema ativista ida nebé soi ona nia esperiénsia luan tebes kona-bá sikon eskola sira hosi inísiu selebra tiha Restaurasaun URA TL.
Sei duvida karik nia, kal mai hosi see mak la konhese.
Ita hotu hein, katak Sr. Direitor EMD foun ne’e bele uza nia kompeténsia “lian- kanu resin” baibain ne’e hodi halo netik asaun tranformasaun ruma ba ambiente eskolar, liu-liu, iha Dili, hodi kontribui ba Educação Nacional. Vá com coragem, irmão!
Mai ita hotu tenke kontribui …
1,185 total views, 6 views today
Bele hare Video Seluk :
Subscribe to Timorpost
