DILI (Timor Post)-Sarani katólika iha mundu tomak selebra loron kuata Feira Sinzas hodi simu akudesan iha reen-toos. Sentidu hosi Kuarezma ida afinal deskreve mós iha liafuan pedasuk balun hosi múzika kantór Timor-Leste nian Tony Pereira.
“Sinzas fó resposta ba segunda pergunta, fila ba ne’ebé ? hanoin ba katak imi rai rahun hosi rai sei fila fali ba rai. Ita folin sá lerek tebe-retek iha rai nia leten. moris halo rai nia naran, mate rai taka tilun. Hanesan lirik múzika Tony Pereira nian “Hateke ba rai sei fila ba rai”, maibé “ ami sei hadomi o”.
Lia hirak ne’e espresa hosi Pe. Vigáriu parókia Santo Antonio Motaél, Inocêncio Barreto Lopes, bainhira selebra misa Kuarta feira sinza, iha Sentru Pastoral Surik Mas, (23/02/2023).
Iha Pe. Inocêncio Barreto Lopes ninia omilia haktuir leitura daruak (2 cor 5,20-2); ne’e duni husu ba ema hotu ho domin Kristu nian ba dame malu ho maromak; Kristu maski sala laek, maromak halo nia maksalak tanba hadomi ita.
Iha domin ida ne’e mak sai rasaun ba ita, katak konversaun loloos halo ita terus, maibé ema ne’ebé neon ho laran sei haksolok, Aman fó hatais hikas ho dignidade oan nian no halo festa hodi simu.
Nia haktuir, hanesan mós aman inan sira ne’ebé saudades sira nia oan ne’ebé iha dook, hakarak atu hasoru lalais.Hatudu mós aman nia laran luak (Lc 15), hodi simu fali oan ne’ebé sai hosi uma; lakon nia dignidade at liu animal sira hamlaha no hamrook ba Cerino ba domin aman nian.
Ami mós hakle’an primeira leitura “profeta Joel fó resposta ba primeira pergunta; fila imi nia laranno neo mai ha’u” Aman konvida ita atu fila ba nia. Nia hein nafatin ita, bainhira loos mak ita husik tia fahi luhan hodi fila ba ita uma loloos.
Oinsá atu fila ida ne’e mak profeta Joe akresenta; hadera-an hodi tanis no halerik, hakanek imi nia laran , laos les imi nia unuk. Katak konversaun husi laran , hanoin-hakarak-hahalok, laos hatais importante mak ita halosakrifísiu hosi fila, aman hein nafatin ita .
Tanba ne’e evanjellu orienta ita oinsá atu halo konversaun ne’ebé di’ak, ezije haraik-an laos halo di’ak, atu ema hahi fo ezmola , laos atu dere gon, reza Laos atu garganta. Maibé halo nonook no iha fuan. Aman ne’ebé hatene buat hotu mak sei selu di’ak hirak ne’e hotu.
Tempo grasa nian, tempo salvasaun nian, bai ita –idak-idak, hakribi salan hodi fiar evanjellu, “ boa quaresma e bom retiro ba ita hotu durante loron 40 nia laran.
Observasaun, selebrasaun misa ne’e partisipa hosi sarani katólika liu rihun ida iha setru Pastoral Surik mas, oras loloos tuku hitu (07:00) maibé tanba udan atraza uitoan ba 07:15. Maski udan sarani rihun resin ho entuziazmu simu akudesan.
1,769 total views, 6 views today
Bele hare Video Seluk :