Espesialista HNGV Hala'o Konsulta Masal Iha Covalima

DILI (Timorpost.com)—Ekipa espesialista hosi Hospital Nasional Guido Valadares (HNGV), hala’o konsulta Masal ba Komunidade Suku Beco, Postu Administrativu Suai, Munisipiu Covalima.

Atividade ne’e, HNGV hala’o atu selebra loron Aniversariu Hospital Nacional Guido Valadares ba dala- XXI ho tema ” Servi ho Domin no Responsabilidade”.

SCROLL FILA BA NOTISIA

Aniversariu HNGV ne’e sei monu iha loron 29 /06/2024.

.Atividade konsulta Masal (Outreach) hala’o iha Escola Pre-Secundaraio Beco, Postu Administrativu Suai, Munisipiu Covalima, Loron Sabadu 15 Fulan Junu tinan ne’e.

Komunidade sira ne’ebe mai konsulta ne’e ho tipe moras oi-oin hanesan Matan moras, moras mental, inan isin rua, dentaria, teste raan no moras sira seluk tan.

Lee Mós :

MS Lori Programa Integradu Ba Komunidade Same

Atividade konsulta ne’e hahu iha oras tuku 8:00 no sei remata iha loraik.

Nune’e Pasiente Domingas dos Santos dehan durante moras ne’e ain no liman siin, moras ne’e tinan ida. Ne’ebe ohin mai halo konsulta Doutor no Mediku Sira fo ai-moruk hodi hemu.

“Ami Senti kontente tebes no agredese tanba HNGV bele Mai fo konsulta gratuita ba ami”,nia hateten ba Timor Post iha Eskola Pre-Sekundariu Beco, Sabadu (15/06).

Iha fatin hanesan Pasiente Matan Alfredo Barreto, afirma ohin mai iha hodi konsulta matan.

“Ha’u nia matan ne’e moras Kuaze tinan 6 ona. Entaun ohin ha’u Mai konsulta Doutor sira fo oklu ba ha’u hodi uza”, nia tenik.

Lee Mós :

Sala Emerjénsia HNGV Kloot Susar Atende Pasiente Barak

Entretantu Xefe Suku Beco, Arlindo Bernardino Lemos, dehan husi HNGV ohin mai fo konsulta jeral ba komunidade Covalima kona-ba moras hot-hotu.

“Ne’ebe Ita lahatene Komunidade iha total Hira, Komunidade iha Beco maioria maka mai halo konsulta iha ne’e. Iha mos Komunidade husi vizinhu sira mos mai halo tratamentu iha ne’e”, Xefe Suku ne’e afirma.

Nune’e total pasiente ne’ebe ohin konsulta seidauk hatene, rezultadu ikus depois maka Mediku espesialista fo hatene.

“Hanesan Autoridade lokal senti orgullu ho programa ida ne’e, tanba ohin konsulta gratuita no Jeral. Entaun parte hot-hotu mai iha ne’e hodi konsulta ba isin lolon tomak “, nia hateten.

Lee Mós :

TDS Aplika Prizaun Preventiva Ba Arguidu CB Oho Nia Feen

Nia sublina tan, Komunidade sira iha ne’e hakarak ka lakoi tenke mai, tanba iha ne’e dalaruma ba konsulta iha Fasilidade Saude hanesan Postu Saude no Sentru Saude Sira ne’e dehan ai-moruk la iha. Tan ne’e agredese tanba ohin loron HNGV mai ho ai-moruk no Fasilidade kompletu kedas hodi atende Komunidade ne’e.

735 total views, 30 views today

Oinsa Ita nia Reaksaun iha Notisia Nee?