DILI (timorpost.com)—Ministru Obra Publiku (MOP) Samuel Marçal, hatete atu fo indiminizasaun ba komunidade afetadu ba desizaun governu, parte Ministeriu Obra Publika hein vitima afetadu sira kompleta dokumentu antes pagamentu.
Samuel Marcal, hatete indiminazasaun ba komunidade sira afeta ba despeju administrativu ne’e balu mak hatama ona dokumentu mai balu sidauk hatama sei identifika hela.
“Depois identifika hatama mai governu fó tuir saida mak governu bele fó ba sira, bainhira mak rezolve hotu hau la hatene depende sira hatama lalais mai”, Samuel Marcal, hatoo asuntu ne’e ba Timor Post, iha Palacio Governu, Kuarta (24/04).
Iha Aitarak-laran vitima afetadu sira asina hotu kontratu ona, agora sira tenke hatama númeru bankaria mai atu transfere osan ba sira nia konta.
Daudauk ne’e parte MOP simu dadus ba vitima sira ne’e hamutuk 26, iha 25 asina hotu ona, falta nain ida mak seidauk tanba nia seidauk konkorda ho presu ne’ebe estadu fó.
Indiminizasaun ne’e estadu fó depende ba saida mak ne’eba ne’e, tanba haree tuir buat ne’e hotu mak estadu fó ba sira.
Fatin sira ne’ebe mak SEATOU sobu ne’e laos nia hakarak ba sobu, maibe ne’e lei mak haruka.
Politika governu liuhusi MOP haree katak SEATOU hala’o servisu ba nia fó espasu saida mak atu halo iha fatin sira mamuk.
“Ami ba tau fatin trotoar ba hadia estrada sira ne’e, instala ahi, hadia jardin karik tau jardin, ba instala bee ba tau iha ne’eba”, nia dehan.
Ida ne’e parte MOP ba haree saida maka atu tau iha ne’eba, para ema hotu-hotu bele uza.
“Agora imi husu kompañia sira ne’ebe mak atu hadia fatin sira ne’e, ne’e segredu tenderizasaun manan mak hau fó hatene seidauk manan ne’e halo nusa”, nia afirma.
Entretantu fatin sira ne’ebe mak governu liuhusi SEATOU sobu mak hanesan, Bidau Sengol, Ai-tarak-laran, Komoro, Ai-mutin no fatin seluk tan.
1,182 total views, 3 views today
Bele hare Video Seluk :
Subscribe to Timorpost
