ADVERTISEMENT

Konstrusaun Rezidénsia Irmã Franciscana Missionária Laleia Sei Finaliza iha Tempu Besik

Mario da Costa - Manatuto
Reportajen : Komunikadu Imprensa
  • Share
Asesór Prezidente Repúblika, Tomas Cabral, ko'alia ho Madre hosi kongresaun Franciscana Manatutu, Imajen Esp.

LALEIA (timorpost.com) — Prosesu konstrusaun ba rezidénsia Irmã Franciscana Missionária Nossa Senhora Laleia sei finaliza iha tempu besik.

Edifísiu modernu kompostu husi Koléjiu, Sentru Formasaun, kampu Futsal, Jardín halimar ba Labarik no residénsia komunidade Relijioza provínsia Portugueza konstrui husi Arquiteto Cesar Almeida, husi Empresa CC Construcões Portugál ho totál orsamentu kuaze dólar amérikanu miliaun 1 USD.

ADVERTISEMENT
SCROLL FILA BA NOTISIA

Tuir planu iha fulan Janeiru 2023, ekipa kompaña sei finaliza serbisu no prosesu inaugurasaun bele akontese iha fulan Marsu ou Abril nia laran.

Asesór Polítiku Prezidente Repúblika, Tomás do Rosario Cabral, ne’ebé hala’o vizita obserbasaun ba projetu ne’e sente orgullu, tanba prosesu kontrusaun halo ho kualidade tuir dezeñu ne’ebè Irmã Franciscana Missionária Nossa Senhora aprezenta nu’udar na’in ba projetu.

Lee Mós:
Merkadu Laklubar Laiha Kondisaun ba Negosiante Sira

Edifísiu ne’e harii iha Laleia bazei ba kooperasaun no koordenasaun serbisu entre Irmã Franciscana Missionária Nossa Senhora ho mandatu Governu Konstitusionál dalima nian.

Iha obserbasaun ne’e, Asesór Tomás akompaña hosi Arquiteto Cesar Almeida, vizita no haree direita prosesu instalasaun liña eletrisidade ne’ebé parte tekniku EDTL Manatutu instala ona trifaze ba konstrusaun Koléjiu laran tomak.

Kompaña refere mós harii ona barejem bee boot iha iha rai kuak ho kuantidade boot, hodi halibur udan been labele sai atu bele utiliza iha tempu bai-loron bele rega aifunan no ai-horis sira ne’ebé sei kuda heleu rezidénsia ne’e iha foho leten Laleia bele sai matak nafatin.

Lee Mós:
IGE Promete Sei Normaliza Mota Laklo iha Tempu Badak

Madre Kongregasaun Franciscana, Alvina sente haksolok tebes ho vizita husi Gabinete Presidente Repúblika, reprezenta hosi Asesór Polítika Prezidente Repúblika, para ajuda sira halais serbisu hotu-hotu bele finaliza prosesu kontrusaun.

Madre Alvina agradese, tanba ho apóiu Prezidente Repúblika, José Ramos Horta no “Maun Boot” Kay Rala Xanana Gusmã nia tulun sira-nia serbisu bele hetan asisténsia rapidu husi parte kompetente sira ba asuntu ida ne’e, ho nune’e prosesu konstrusaun bele la’o ho di’ak no lalais atu bele utiliza tuir tempu ne’ebé termina ona.

“Ami agradese tebes ho apóiu Prezidente Repúblika, Maun Boot Xanana, autoridade no povu Manatutu no Laleia nia tulun,” madre agradese, iha Segunda (21/11).

Antes remata vizita ida ne’e, Asesór Polítika Prezidente Repúblika, Tomás mós informa ba Kongregasaun Irmã Franciscana Nossa Senhora Laleia no Arquiteto husi empresa sira katak, PR Ramos Horta no Maun Boot Kay Rala Xanana Gusmão, rasik preokupa ho difikuldade ne’ebé komunidade Franciscana Laleia enfrenta.

Lee Mós:
Diákonu Na’in-Tolu Simu Ordenasaun Saserdotal

Tuir planu iha tempu besik, PR Ramos Horta, sei hala’o vizita hodi haree besik progresu husi konstrusaun ne’e rasik. Tanba bainhira konstrusaun ne’e remata komunidade Manatuto ho Baukau sei benefisia direta ba programa dezenvolve edukasaun no atividade Igreja nian ne’ebé sei estabelese husi Kongregasaun Irmã Franciscana Laleia.

 418 total views,  12 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Konstrusaun Rezidénsia Irmã Franciscana Mission…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: