ADVERTISEMENT

Festival Ataúru, Nony Orgullu Hatudu Dansa Kultura NTT

Mario da Costa - Jeral
Jornalista : Cesasario de Souza
Editor : Mário da Costa
  • Share
Reprezentante Dansa Kultura NTT, Isu Inus Nony, ho nia kolega Sira. Imajen TP/Cesário de Souza

DILI (timorpost.com) – Reprezentante Dansa Kultura husi Nasaun Viziñu Indonézia liuhosi Provínsia Nusa Tengara Timur (NTT), Isu Inus Nony, sente orgullu no estraordinária tebes partisipa iha Festival Múzika no Kulturál Atauru, no haksolok bele mai fahe esperiénsia ho Timoroan hotu liuhusi atraksaun no múzika kultura.

“Ami hasolok partisipa iha Festival Múzika no Kultura Atauru, ami hein katak sei mai hikas iha festival Múzika no Kultura sira tuir mai atu kontinua hametin relasaun amizade ne’ebé iha,” hateten Isu Inus Nony, iha fatin selebrasaun festival Ataúru, Tersa (22/11).

ADVERTISEMENT
SCROLL FILA BA NOTISIA


Nia hatutan, liuhusi Festival Múzika no Kulturál Atauru bele hakle’an no hametin amizade entre sidadaun sira husi NTT no Timor-Leste rasik.

Alende ne’e Iis Kuriawan mós hateten sente haksolok ho festival Múzika no Kultura Ataúru no sente katak Timor-Leste no Indonézia iha kultura ne’ebé kuaze hanesan liuliu iha vestiáriu, no ropa tradisionál sira.

Lee Mós :
Partisipante Festivál Muzíka no Kultura Kontinua Nadodon Ba Atauro

“Ami hanoin katak festival Múzika no Kultura ida ne’e sei fó espasu ba sidadaun sira nasaun rua nian hadomi liután múzika tradisionál no kultura hanesan patrimóniu kulturál husi bei-ala sira ba jerasaun foun,” hateten nia.

Iha sorin seluk, Embaixadór Indonézia iha Timor Leste, Okto Dorinus Manik, apresia ho Prezidente Repúblika Timor-Leste, José Ramos Horta, no Primeiru-Ministru, Taur Matan Ruak, ne’ebé ho hanoin di’ak hodi hahú eventu festival Múzika no Kultura Atauru, no ida ne’e hanesan festival dahuluk ne’ebé realiza no embaixadór hotu ne’ebé nia rezidénsia iha Timor-Leste hetan konvite hodi partisipa direita iha eventu ida ne’e.

“Indonézia ho Timor-Leste hanesan nasaun viziñu amigu ne’ebé iha relasaun kulturál kuaze ladún iha diferente, liuliu komunidade sira husi parte Nusa Tenggara Timur (NTT), ne’ebé partisipa mós iha eventu kulturál ne’e hodi aprezenta mós kananuk tradisionál NTT nian,” Hateten Embaixadór ne’e.

Lee Mós :
Uma Kain 15 iha Fomento II Asesu Bee Moos

Nia salienta, kolaborasaun ida ne’ebé di’ak tebes entre nasaun rua, no ida ne’e bele tulun nasaun rua atu esplora di’ak liután potensialidade kultura sira ne’ebé iha liga ho setór turizmu, edukasaun no sira seluk.

Nune’e, Presidente Repúblika iha entuziazmu no konsentrasaun boot ba oinsá atu dezenvolve no esplora setór potensialidade sira ne’ebé nasaun Timor-Leste iha.

Iha fulan Jullu liubá Prezidente Repúblika, José Ramos Horta, hala’o mós vizita ba iha fatin turizmu Labuan Bajo Indonézia no husi ne’ebá haree katak Timor Leste no Indonézia liuliu NTT iha tradisaun no kultura ne’ebé kuaze hanesan no iha mós potensialidade seluk ne’ebé nasaun rua bele diskute atu hakle’an liután.

“Hanoin ho apresiasaun ne’ebé iha, ita bele ajuda dezenvolve setór turizmu iha Timor-Leste”, nia hateten.

Iha fatin hanesan, Prezidente Repúblika, José Ramos Horta, hatete ekipa ida husi Kupang, NTT hola parte mós iha festival Múzika no Kultura Atauru, Indonesia hanesan nasaun ida ho nia diversidade oin-oin los, no kapás tebes bainhira reprezentante husi nasaun Indonézia bele hola parte iha eventu ne’e.

Lee Mós :
Mundu Nia Forsa Mak Maromak, Kultura no Matebian

“La’ós de’it Festival Múzika no Kulturál Atauru, maibé ita hanoin ona atu iha atividade Tour de Timor ne’ebé sei hahú husi Kupang mai Dili ba Lautem no mai finaliza iha Dili,” hateten nia.

Xefe Estadu ne’e salienta, ho atividade sira ne’e bele atrai tan investor sira husi nasaun seluk mai Timor-Leste.

Entretantu Delegasaun husi NTT aprezenta dansa tradisionál hamutuk rua mak hanesan Sisi Klemuti no ida seluk mak Sia Noni.

 2,411 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Festival Ataúru, Nony Orgullu Hatudu Dansa Kult…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No