MANATUTO (timorpost.com) – Diretór Eskola Ensinu Sekundáriu Dom Basílio Laklubar (DOMBALA), iha Postu Administrativu Laklubar, Munisípiu Manatuto, Benjamin Freitas Soares, garante estudante sira sei pasa hotu iha ezame nasionál tinan 2022.
“Ha’u garante ba sira hanesan istória bain-bain, tanba eskola ne’e hanesan eskola katólika ne’ebé kuda fini barak ona, liuliu lori estudante sira kontinua sira-nia estudu iha nivel universidade sira,” nia hateten iha kna’ar fatin Eskola Dombala Laklubar, Tersa (11/10).
Nia dehan, eskola ne’e mak sai save ida ba susesu, tanba ne’e eskola katólika Dom Basílio, sempre hameno ba estudante sira hotu, katak estuda di’ak hodi garante futuru verdade.
“Ita-nia estudante sira ne’ebé sei hasoru laloran ka ezame nasionál, hamutuk, 102, espera ba sira sei estuda di’ak hodi hasoru ho sentimentu di’ak atu hadi’ak an iha futuru brilante,” nia subliña.
Nia dehan, mekanizmu ne’ebé ami uza hanorin ba sira mak oinsá hasae sira-nia kualidade iha area étika no moral, nune’e bele dixiplina di’ak, hodi hatudu jerasaun di’ak no fini di’ak ba nasaun.
Profesór ou profesora sira iha ne’e misaun tolu mak sira empodera hanesan, permanente na’in-hitu (7), kontratadu sanulu (10), no voluntáriu na’in-tolu (3), no rekursu ne’ebé eskola Dombala finansia ba sira mai hosi Governu no mós mai hosi inan-aman sira.
“Ita garante ba sira oinsá atu produta estudante sira ba oin ida ne’e mak prinsípiu eskola katólika DOMBALA nian, no eskola ne’e mós sai belun ho universidade UNTL.” nia hakotu.
1,527 total views, 3 views today
